"Saan Ka Man Pumaroon, Ako Sinta'y Naroroon"

 "Ugat ng punong kahoy na malabay ang taos-pusong pagmamahal, kapagka habang tumatagal, ito'y patibay nang patibay. Daanan man ng malupit na hagupit ng bagyo't ula'y mananatili itong nakatayo nang lipos ng katatagan-ngayon, bukas, at magpahanggang sa libingan man!"


"Saan Ka Man Pumaroon, Ako Sinta'y Naroroon!"

       _Teofilo S. Valicuatro Jr. 


I. Kung sa durungawan ng bahay niyo

sa tuwi-tuwina'y may dumarapong paruparo

lumilipad nang labas-masok, tangan-tanga'y pagsuyo

'pag napapawi nito ang lumbay sa'yong puso.... 

Giliw, iya'y AKO! 


II. Kung sa'yong paglalakad tungong paaralan

ika'y may nadaraanang ibong sari-kulay

na ang isinadidila'y maririkit na "Kundimang"

salamin ng pag-iibig, nating pulot-pukyutan..

Iya'y AKO, Hirang! 


III. Kung ika'y dumarako sa mga liwaliwang pook

nang ang pagod ay mapawi't sa ligaya'y mapupuspos

at may 'sang bulaklak na ang anyo'y kalugud-lugod

na 'pag iyong tinunghayan, sa hiya'y nangagkatitiklop... 

AKO iyan, Irog! 


IV. Kung araw ng Linggo, sa bahay-dalanginan

ika'y mapayapa't mataimtim na nagdarasal

at 'pag sa mga mata mo'y may luhang sumungaw

luha ng kaligayahang walang mapagsidlan...... 

Yao'y AKO, Mahal! 


V. Kung 'di ka makatulog sa gabing ubod-payapa

sa bintana'y dumungaw ka't sa alapaap tumingala

kung may maaninag kang 'sang tumatangis na tala

at ika'y napatakan ng sinag ng kaniyang luha.... 

Iya'y AKO, Sinta!  

 

VI. Kung ang puso mo'y nalulukuban ng lumbay

pangungulilang siyang sanhi'y kailangang tuldukan

'pag may yumapos sa'yong hangin buhat sa dakong Silangan

at ang hapding nararamdama'y utay-utay na napaparam....

AKO iyan, Hirang! 


VII. Kung inaaadhika mong ako'y masilayan

ako na taos-pusong sa'yo'y nagmamahal

sa silid-aklatan ng ating nagdaan

saliksikin ako't kung masilaya'y hagkan! 


VIII. 'Di man maliparang-uwak ang santinakpan

nagkaiiba-iba rin ang lupang ating tinubuan

sikaping isatitik sa puso't diwa mo, aking hirang

"mga mata ko'y Lawing sa'yo'y nangagkababantay!"


TANDAANG:


"Kung mayroon mang higit na nakaaalam kung gaano kita kamahal, iniingata't pinahahalagahan, isang daang bahagdang ikaw yaon HIRANG. Pagsumikapan itong maipunla sa'yong puso't isipan nang ito'y 'di maparam magpakailan pa man!"


#happy_32nd_monthsary 💞

#i_love_you_beyb 💝

#stay_strong 

#stay_safe


#May_God_Bless_Us_Always 🙏

Comments

Post a Comment

Popular posts from this blog

TULA PARA SA'YO AKING SINTA

“Tula Para Sa’yo Aking Sinta” ni: Olifoet S. Ortaucilav Jr. Mahalimuyak na ngiti ng araw Bukod-tanging tinutura’y ikaw Sa naidlip na pagsinta’y   uhaw na uhaw Pagsintang walang halo’t tanging sa’ iyo’y   nakahalaw Tatlong masukal na kabundukan Sama-sama nating   tinahak, tinibag at napagtagumpayan Damhin mo’t sa’yo’y aking ituturan Oktubre, Disyembre’t Enerong handog ay kagalakan Distansiya ma’y namagitan sa’ting dal’wa Gabundok na balakid, hamon, suliranin, ni temtasyo’y ‘di makagigiba Pagkat kapuwa puso nati’y binigkis ng Diyos Ama Gamit ang kapangyarihan ng pananampalataya Tunay ngang palaso ni kupido’y may angking lasong nakahahalina Pagkat sa bawat pananahong dadalaw ka sa’king gunita Puso animo’y payaso nagtatampisaw’t nagpakalunod sa kalautan ng ligaya Ligayang ikaw lang aking irog ang nakapagpadarama Sadyang napakalalim man ng mga imahe, simbolismo’t tayutay Pero ‘di nito kayang higitan ang pag-ibig na sa’yo’y inia...
Read more

"Hayaan Mong Mahalin Kita sa Paraang Alam KO" (H.M.M.K.S.P.A.K)

“H.M.M.K.S.P.A.K” ni: Olifoet S. Ortaucilav Jr. Araw’y lumilipas Kasikata’y kumukupas Puno’t dahon ng kapighatia’y nalalagas Pero ang bukod-tanging binhi ng pagsintang wagas Kailan ma’y ‘di kumukupas at lalong ‘di nagwawakas Puso ko’y pumipintuho na naman Sa isang maalagima’t na dilag na hapo’t hapis ng kaalindugan Janice Cadao Pagulong Amoncio ang buo niyang pangngalan Pinagkaloob sa kaniya ng butihin, mapagmahal       at mapag-aruga niyang mga magulang Nang nasilayan kita Facebook account malimit na ini-stalk sa tuwi-tuwina Di naagapa’t lumala Nagbunga ng mahiwagang kataga Yumabong at mas naging dakila sa tawag na “PAGSINTA” Bituin ma’y susungkitin Asin’y patatamisin Di maliparang-uwak na papawirin Ay pilit kong lilipari’t hahagilapin Makamit lang pag-ibig mong kay kislap at kay ningning H.…….M…..….M……..K……..S….....P……..A……...K……. Binubuo ng walong letra Subalit nabibihisan ng mala-gintong kataga’t taktika ...
Read more