"Hayaan Mong Mahalin Kita sa Paraang Alam KO" (H.M.M.K.S.P.A.K)

“H.M.M.K.S.P.A.K”
ni: Olifoet S. Ortaucilav Jr.

Araw’y lumilipas

Kasikata’y kumukupas

Puno’t dahon ng kapighatia’y nalalagas

Pero ang bukod-tanging binhi ng pagsintang wagas

Kailan ma’y ‘di kumukupas at lalong ‘di nagwawakas

Puso ko’y pumipintuho na naman

Sa isang maalagima’t na dilag na hapo’t hapis ng kaalindugan

Janice Cadao Pagulong Amoncio ang buo niyang pangngalan

Pinagkaloob sa kaniya ng butihin, mapagmahal

     at mapag-aruga niyang mga magulang

Nang nasilayan kita

Facebook account malimit na ini-stalk sa tuwi-tuwina

Di naagapa’t lumala

Nagbunga ng mahiwagang kataga

Yumabong at mas naging dakila sa tawag na “PAGSINTA”

Bituin ma’y susungkitin

Asin’y patatamisin

Di maliparang-uwak na papawirin

Ay pilit kong lilipari’t hahagilapin

Makamit lang pag-ibig mong kay kislap at kay ningning

H.…….M…..….M……..K……..S….....P……..A……...K…….

Binubuo ng walong letra

Subalit nabibihisan ng mala-gintong kataga’t taktika

Na nagsasabing “Hayaan Mong mahalin Kita sa Paraang Alam Ko”

Paraang patago

Paraang palihi’t pasikreto

Paraang nagpatatatag ng loob ko

Paraang nagmulat sa mala-niyebe (natutulog) kong puso

Ma’am J. P. A.

Bago magtapos ang sulatin kong ito

Samut-saring mala-tanikalang kataga na namumutawi sa isipan ko

Na nangangailangan ng kongkretong kasagutan mula mismo sa’yo

Mahal kita, perong wala ng tayo

Inaandukha kita, pero ‘di mo ko gusto

Pinapangarap kita, iba ang inaambisyon mo

Nakahihiya mang aminin, pero dahil sa’yo natuto akong maging asyumero

Kung tayo man ay magkita

 Ikaw’t ako nawa’y lilikha ng panata

At ito yaong nais kong maging paksa

“Ako’y sa’yo at ikaw’y Akin lamang”

Diba napakagandang pakinggan ?

Subalit mas higit na naging kaaya-aya itong pakinggan

Kung ikaw mismo ang siyang namimitawan sa naturang panumpaan

Question and Answer Portion muna tayo

Ako ang hahagis ng tanong at ikaw ang magbibigay-tugon

Ma’am may pag-asa ba ako?

________________________________________________

Kung naaaninaw mo, sinadya ko talagang lagyan ng espasyo

Para maisingit mo ang sagot mong kinapapanabikan ko

Tapos na tayo sa tanong at sagot portion

Love-Proverbs na naman tayo ngayon

“Sa dahoon ng Sampaguita

Sa PUNO ng Mangga

Doon mo Makikita

Ang letrang mahal KITA”

Ma’am Janice Pagulong Amoncio

Mahal kita! Mahal na Mahal kita!

Gusto mo ba ng Love-Trivia?

Ito basahi’t damhin mo

1.       “Naimbento ang mga katagang pinipithaya kita (minamahal kita)

Magmula nang nasilayan kita”

2.       “Kung papipiliin ako ng dalawang pinakamahalagang

        bagay na mapanghahawakan ko

Mundo’t axis ang bukod-tanging pipiliin ko

Ako yaong mundo

At ikaw naman ang AXIS ko

Sa ganitong paraan nakasisiguro ako na sa’yo lang talaga

        iikot ang buong mundo’t buhay ko”

Sa totoo lang wala talaga akong ibang maipagyayabang sa’yo

Di kasi ako guwapo, lalong-lalo ng hindi ako perpekto

Pero ang masisiguro ko lang mamahalin kita hanggang

     sa huling pintig nitong aking puso’t pulso

Nagugutom ka na ba sa kababasa mo? Aba! walang problema

Ngayon, Food-ibig na naman tayo, para maiwaksi

   ‘yang gutom at bagot mo

Sisimulan ko na, “Oh ito BIKO, ipinagkakaloob ko

sa mga taong nagpakadalubhasa sa larangan ng panloloko”

“MANGGA naman, para sa mga taong pinaasa, umasa’t patuloy na umaasa”

“Oh ito pang RAMBUTAN, iniaalay ko sa mga taong nagmahal ng tunay pero nagawa paring saktan”

Higit sa lahat hindi talaga mawawala ang presensiya ng MANSANAS, na inihahandog ko para sa mga taong nagmahal, nasakta’t naghanap ng lunas

Question & Answer Portion, Love-proverbs,

Love-Trivia at at saka Food-ibig

Mga paksaing ating inihain sa hapag-kainang-pag-ibig na naninimdim

Ngayon subukan nating sisirin ang masukal na bahagi ng mga uri ng tayutay

“Ma’am kawangis mo’ y bituing nagtatawanan sa gitna

   ng mala-paraisong kaalapaapan”

“Ma’am Janice, ginto’t butil ng perlas ka sa buhay kong nalulukuban ng karukhaan”

“Nagdiwang ang mga tala, buhat nang mapagtanto nilang iniirog kita”

“Umuulan ng PUSO, buhat nang ika’y nasilayan nitong aking mga mata”

Okey tatapusin ko na, ang sulat kong ito

Pero hindi ang pagmamahal ko sa’yo

Kailan ma’y pag-ibig ko sa’yo’y ‘di magbabago

Ito aninagi’t aninawin mo: H.M.M.K.S.P.A.K

H-AYAAN

M-ONG

M-AHALIN

K-ITA

S-A

P-ARAANG

A-LAM

K-O

#TO GOD BE THE GLORY

#GOD IS GOOD ALL THE TIME

#GOD IS LOVE