Hugot Bisdak 2

 Wala man koy gipanag-iyang kinaban-kaban nga bahandi;

Mahitungod sa akong katimawa o pagkapobre. 

Apan tungod kanimong maoy bugtong kong minahal ug pinili;

Nakat-on ako sa pagpaningkamot sa'kong kinabuhi. 

Arun ang tanang imposible mamahimo kong posible.

Makauba'g mapalipay lang teka permi. 

#God_is_Love 💝

Ang talagsaon mong pahiyum ug katawa, 

Maoy naghatag kusog ug kalipay sa akoa. 

Busa isul-ot kini, matag karun ug unya, 

Arun ako magmadasigon, taliwala sa gipas-an kong mga problema. 

#God_is_Love 💝

Kung magkita nata puhon, 

Dughito'g ihatag ko kanimo ang bituon. 

Arun maghatag ug lamdag, sa gipangandaman mong kaugmaon. 

#God_is_Love 💝

Kung bation ka'g kahuyang ug kakapoy sa imong trabaho. 

Hatagi'g higayon sa pagpahuway ang kaugalingon nimo. 

Sa pag-asenso, ang panglawas maoy usas' puhunan nato, 

Maong ampingi'g atemana ang kaugalingon mo;

Samas' pag-amping ug pag-ateman sa imong trabaho.

#God_is_Love 💝 

Ang kamingaw nga gibati ko karung higayuna, 

Mikuyanap na pag-ayo, sulod sa kasing-kasing ko'g huna-huna. 

#God_is_Love 💝

Sa mga nahimo kong suod nga higala, 

Salamat sa mga bulawanong kaagi, nga gipagasawhan ta. 

Giampo'g gipanghinaot ko, nga magmaampingon kamo'g magpabiling luwas lakip ang mga mahal ninyong pamilya. 

Taliwa sa mikuyap nga delikado'g makamatay nga pandemya. 

#God_is_Love 💝

Ang tanan, makasinati jud ug pagkamasulub-on. 

Pero, dili kini balidong rason, arun magpakawala tas' paglaom. 

Hinuon, usa kini ka takna'g higayon, 

Arun kita, makat-on sa pagpadayon.

#God_is_Love 💝

Halos kadagabei, 

Kanimo, nagadamgo ako permi. 

Maong ang pagkamapasalamaton ko,  sa katigayunan, nagkagrabi! 

Kay taliwalas' distansiyang mipatunga natong duha, ang makit-an ka sa damgo, wala ko niya hikawi.

#God_is_Love 💝

Sa hugot mong mga gakos, gibati ko'g kamingaw, 

Sa mainit ug matam-is mong pagmahal, kining akong dughan, gibati'g kahidlaw. 

Saksi niana ang ang kabituanan, buwan ug adlaw. 

Busa ang tim-os mong pagmahal, kanako pinangga ko, ayaw tawon ihikaw. 

#God_is_Love 💝

Unta ang paghigugma mo dili mahisamas' supas, 

Nga kung maabtan ug pipila kasemana, mudayon ra'g kahupas. 

#God_is_Love 💝

Ang relasyon, arun magdugay, 

Nanginahanglan kinig pagsalig, matuod nga pagmahal ug pagsinabtanay. 

#God_is_Love 💝

 Kahibawo kong dili lalim ang masakitan, 

 Maong andam kong buhaton ang tanan-tanan;

 Arun kini, dili nimo masinatia'g matagamtaman. 

#God_is_Love 💝

Ang gugma samas' bawod sa kadagatan, 

Inig halok niinis' daplins' kabaybayunan

Gitikon ka'g pakiligon, dayon biyaa'g ra pasakitan.

#God_is_Love 💝

Wala man ko mahadlok kung magkalagyo mi niya, 

Kay pareha man ming duha;

Nga dunay dakong pagsalig sa usa'g usa. 

#God_is_Love 💝

Ang masaksihan kang himsog ug malipayon, 

Usa na kadakong gasang gitubdan sa'kong pagkamalipayon. 

#God_is_Love 💝

Sa dalang imong gisubay sa matag-adlaw, 

Hikaplagan mo unta, ang gipangita'g gihandom mong usa ka talagsaong kalipay.

#God_is_Love 💝

Sayod kas' akong mga pagkuwang,

Maong mapasalamaton ako kanunay. 

Kay taliwala niini, nagpabilin kas' akong kiliran.

#God_is_Love 💝

Ang binuhat nga imong gihigugma, 

Palihug ampingi kutobs' imong makaya. 

Kay arun dili siya muhanaw nga mura'g buwa, 

Mahitungods' imong pagkuwa'g pagpasagad sa iyaha.

#God_is_Love 💝

Wala man gud untay masakitan, 

Kung kamao lang unta makontento ang tanang katawhan. 

#God_is_Love 💝

Bahala nalang ug ako'y biyaa'g pasakitan, 

Kaysa ako maoy gihunuba'g gitubdan sa mga nagkadaiyang kasakit ug kagul-anan.

Sakit man, apan antuson ko na lang.  

#God_is_Love 💝

Simple raman ko nga pagkatawo, 

Ug simple rapod kaayo akong gusto. 

Ampingi'g higugmaa lang ko samas' kaugalingon nimo, 

Ampinga'g higugmaon pod teka, samas' pag-amping ug paghigugma nako sa'kong kaugalingon ug sa akong isigkatawo. 

#God_is_Love 💝

Usas' pinakasakit nga bation, ang masayran mong, 

Ang SAAD gimugna, arun pakyason. 

Ug dili arun tumano'g pagabuhaton. 

#God_is_Love 💝

Samtang nagpaminaw kos' buhakhak sa'mong mga pananom, 

Nahisulat pag-usab sa'kong panumduman, ang matam-is tang kagahapon.

#God_is_Love 💝

Teman-e, kung makasinati ka'g kalisud, kasakit ug kapait, 

Makahiagom ka usab ug kaharuhay, himaya, ug katam-is. 

Ingun niini ang dagan sa'tong kinabuhi, 

Ayaw pagpakawala sa paglaom, magmalig-on, magmaisog, ug magpakabuhi!

#God_is_Love 💝

Ang kalibutan muhana man kanato sa pagdat-og, Gikinahanglang makat-on kitas' pagpanalipod pinaagis' pakigbisog;

Kay maglisud na kitas' pagbarog, kung pananglita'g masinati na kita'g pagkalup-og! 

#God_is_Love 💝

Likayi gyud ang kanunay nga pagbasa-basa sa uwan basin bation ka'g kabugnaw nga sa inyong panagbuwag maa niya'y mamahimong hinungdan! 

#God_is_Love 💝

Kung walay ikatambal sa sakit sa imong dughan, pwes, ayaw pagsige'g pasing-UWAN sa iyang paghigugmang way hinungdan!  

Kung di gyud nimo kapugngan, hala, pagdala'g payong, arun di ka matud-an ug mapiskan! 

#God_is_Love 💝

Kung hangtod karun, wala pa gyuy binuhat nga nagSALAG nianang imong dughan;

Labon ting-UWAN, pagyatak-yatak sa lapok nga kaDALANan.

Basin pa di ay ug  maLAMBA ka, pero ngadto sa tawong Kanimo,  maoy tinuod nga mupangga'g muateman! 

#God_is_Love 💝

Wagtangon ta bisan sa makadiyot ang mga nagkadaiya tang sulira'g kagul-anan;

Hulipan ta kini'g kadasig ug tumang kalipay nga walay kondisyo'g utlanan! 

#God_is_Love 💝

 

Pakigbatukan ta ang atong kahuyang, pamatud-an ta nga ang ayong lig-ong baruganan, di gyud mayano-yano'g kapukan! 

#God_is_Love 💝

Sa gikaingun ko pa, ang kinabuhi "ALKANSIYA" PUNUON ta kinis' kaAYO, kaLIPAY'g kaDASIG matagkarun ug unya!

#God_is_Love 💝

Kung TIIL ta, Ako ang TUO, ug Ikaw ang WALA,

kay mapakyas kita nga maABOT ang nagkadaiyang damgong atong gitinguha;

Kung magkaBUWAG kitas' usa!

#God_is_Love 💝

Dili muhunong ang dagan sa kinabuhi kung makabaton kita'g kalapasa'g kasaypanan.

Mupadayon kinis' pag-irog hangtod nga muabot sa iyang katapusan.

#God_is_Love 💝

Kung kaya ko lang tahiun ang nagusbat tang kagahapon.

Ang tanang tanod o tinursi'g dagom, andam kong utangon.

Masumpay ug mahan-ay ko lang ug balik, ang nawakrat o nagkagisi-gisi tang relasyon! 

#God_is_Love 💝

Ang kalinaws' usa ka panimalay inubanans' malipayong pamuyó sa tagbalay;

Maoy matuod nga himayang di kahitupnga'g bisan unsang matang sa gakidlap nga bulawan! 

#God_is_Love 💝

Kay lagi ang pagbasol anaa gyud kanunay sa katapusan;

Busa likayan ta ang mga nagkadaiyang butang o binuhatang maoy makapukan sa lig-on tang baruganan.

Dili lalim ang mahitumpawak sa subá sa kaalauta'g kagul-anan.

Hinuktuka'g pamalandungan ta kini, mga pinalangga kong kaigsuonan! 

#God_is_Love 💝

Bulahan ang usa ka binuhat nga maloloy-o'g mapahiubsanon.

Kay gikahimut-an sila atong Ginoong Balaan, Maloloy-o'g Makagagahom! 

#God_is_Love 💝

Kung ang adlaw dunay pagsubang, muagi usab kini'g pagsawop sa katapusan.

Mao usab ang nagkadaiyang sulirang atong nasinatia'g masinatian! 

#God_is_Love 💝

Ang pagbati natong tanan, nahisamas' dag-om sa kahitas-an. 

Kinahanglan kining maipagawas ug maipabuhagay samas'usa ka uwan;

Arun makabato'g kagaan ug kahupayan, ang kabug-at ug kasubong naglumlom niining atong dughan! 

#God_is_Love 💝

Ang baha lisud kaayong pugnga'g babagan;

Makat-on kitang makiuyon, sa maduwa-duwaong kapalaran! 

#God_is_Love 💝

Kung nitiglom ug nagkapay-kapay kas' daw sapa nga suliran;

Paggahin ug hamubong higayon sa paghanduraw sa mapahiyumong kabituonan.

Arun makat-on kas' pagpamalandong ug pagbansay-bansay nga walay sulirang walay kasulbaran! 

#God_is_Love 💝

Naay mga pangutanang ang bugtong makatubag, mao ra gyud ang atong dughan.

Ug labaw ng dunay mga tubag nga kasing-kasing ra gyud poy dunay abilidad sa pagsabot ug pagtimbang-timbang! 

#God_is_Love 💝

Literal mang pakyas akong makita kas' matag-adlaw;

Apan kanang perlas mong hulagway, maoy kanunayng' sulod niining akong dughan.

Ang katam-is nianang pahiyom mo'g katahom, maoy bugtong kong handumanang ginahanduraw! 

#God_is_Love 💝

Dili nato kalikyan ang mabitik, 

Ilabi na sa mga tawong hilig ug pangatik. 

Kay sa paminaw,  kini makadani'g makalumay tungod sa tam-is nga nahisamas' latik,

Maong daghang dughan, ang nagdugo ug nagsinakit. 

#God_is_Love 💝

Kabos na gani ko pagkatawo, 

Dili pa jud ko guwapo. 

Apan duna ako'y masinabtunon, maloloy-o'g matinabangong GINOO, 

Nga maoy gitubdan sa tanang gasa'g grasyang niabot ug muabot pa kanako. 

#God_is_Love 💝

Ampingi siya,

Samtang mahal pa kaniya. 

Ayaw'g paabuta, 

Nga siya nay mapul-a'g mubuhi sa imoha, 

Tungod sa imong pagpasagad sa iyaha. 

#God_is_Love 💝

Ako, ikaw, siya'g sila, 

Kitang tanan, pantay-pantay ra. 

Maong pagkat-on sa pagtahud ug pagtrato'g maayo sa mga tawong nakapalibot sa imoha. 

Kung gusto kang liguon ug pagtahud ug pagtrato gikan usab sa ilaha.

#God_is_Love 💝

Kung puwede lang untang balikan ang mga panaho'g higayong nanlabay, 

Tul-iron ko jud ang mga baliko kong binuhatan. 

Arun mabayran ko ang akong mga pagkuwang ug mga kasaypanan. 

#God_is_Love 💝

Makaistorya lang teka, 

Adlaw nako, kumpleto na. 

Kay ang imong presensiya (bisa'g sa tawag ra) , 

Maoy makahatag kanako'g tumang kalipay'g pagmaya! 

#God_is_Love 💝

Likod sa malabukayo'g malalatik nga saad, 

Kasing-kasi'g balatiang nagpangasamad. 

#God_is_Love 💝

Sa dihang gipangandoy ug gidamgo pa teka, 

Gisaad kos' akong kaugalingon nga kung maako ka;

Ampinga'g panggaon teka kutobs' akong makaya. 

Maong gilikyan ko jud pag-ayo ang pagbinuang, pagpahilak ug pagpasakit sa imoha.

#God_is_Love 💝

Kung si mama ang daho'g sanga,  

Lig-o'g konretong-punuan usab si papa. 

Kaming mga anak nila, maoy bunga. 

Nga gibisbisan nilas' pagmahal ug pag-amuma.

#God_is_Love 💝

Kay lawas raman lagi ang bugtong tang puhunan, 

Maong gipanghinaot kong ang imong pagkaon, dili mo hikalimtan. 

Disiplinas' kaugalingon, angay'g matarong  nga pakateman-an, 

Arun mapabilin ta ang kahimsog sa'tong kalawasan.

#God_is_Love 💝

Taliwa sa gibating kalaay, 

Tungod kay binilanggo kitas' tagsa-tagsa ta ka panimalay. 

Magkat-on kitas' paglipay, 

Kay sa mabug-at tang balatian, usa kinis' makalukmay'g makapahupay.

#God_is_Love 💝

Dili rason ang kakabos ug kawad-on, 

Arun magpakawala kita's paglaom. 

Hinuon, usa kinis' lig-ong pundasyon, 

Sa pagtukod sa mabungahong kaugmaon.

#God_is_Love 💝

Sugdi ang inyong adlaw, 

Nga punos' pahiyum ug katahum. 

Ayaw'g pagdalas' inagulos' imong kinabuhi karu'g sa umaabot pang higayon. 

#God_is_Love 💝

Kung ang bakunas' NCovid2k19 mao ang tam-is nga  pahiyum, 

Daghana siguro'g gipangdugok sa utitod karun. 

Ug daghan na pod siguro ang mga Clown, 

Nga sige'g bahakhak sa samang takna'g higayon.

#God_is_Love 💝

Lord,  salamat sa sagunso'g makusog nga uwan. 

Tungod niini'g pinaagi niini, nakatanom namis among gitrabuhang kabasakan. 

#God_is_Love 💝

Nalapok man among agianan, 

Tungod sa kusog nga uwan. 

Apan grasya kining gibubo kanamo, isip usa ka bahin sa kabos nga katilingban. 

#God_is_Love 💝

Lord, ayaw tawon mi biyai ug talikdi. 

Kay tungod kanimo, diha kanimo'g pinaagi kanimo, ang among gipas-ang mga suliran, dili jud kami magpalupig ug magpapildi niini.

#God_is_Love 💝

Nindot kaayo maligo sa uwan. 

Kay samtang ang tinulo niini, mudagaytay sa'tong kalawasan, 

Mubalik ug kapreskos' atong panumduman;

Ang mga nagkadaiyang kaagi sa nanlabayng' kapanahunan. 

#God_is_Love 💝

Kay lagi ang uwan, 

Grasya mang gibisbis sa katawhan. 

Angay'g matarong nga makabaton kita'g kaalam, 

Sa pagpasalamat sa'tong Ginoong naas' kahitas-an. 

#God_is_Love 💝

Ang paghigugma ko kanimo, nahisamas' makusog nga uwan. 

Puwede nimo nga kapayungan, 

Apan dili mo mahimong pugngan.

#God_is_Love 💝

Kung siya para sa kanta, 

Ug ang uban para sa pagkaartesta. 

Ako usab, siyempre, para sa IMOHA. 

#God_is_Love 💝

Ganahan kaayo ko mukanta-kanta, 

Apan ang nakapait lang ang kanta wala jud ganahi o makauyon sa akoa. 

#God_is_Love 💝

Sagdi nalang kong ang  pagkanta dili jud para sa akoa. 

Ang importante malipayon ko aning bisyoha.

#God_is_Love 💝

"Sugata ang 'mong kabuntagon, nga punos' kalipay'g pagkamadasigon.

Arun kanunay mong mapatigbabaw, ang talagsaon mong katahom!

Ayaw kalimot sa pagpasalamat sa'tong Ginoong makagaGAHOM;

Sa bag-o napong kinabuhi'g paglaom, nga kanimo gibisbis ug iyang gipabaton!"

#God_is_Love 💝

Katapusang adlaws' buwans' July, 

Hinaot nga ang tanan, napuno'g mapuno pas' himaya'g kalipay. 

Sugaton ta ang buwans' Agosto,  nga punos' kadasig, panaghiusa, pagtinabangay'g pagkahinigugmaay!

#God_is_Love 💝

Ako, kanunay nagalaom, 

Nga ang pandemyang gipakigbatukan ta karun;

Mahisamas' uwan ug dagan sa panahon, 

Nga dunay sinugdana'g katapusan sa gitagana niining takna'g higayon. 

#God_is_Love 💝

Kay ugma buwan naman sa Agosto. 

Nagalaom ako sa matag-usa kanato, 

Nga ipatigbabaw tas' atong panumduma'g dughan, ang walay utlana'g kinutubang GUGMA sa'tong GINOO.

#God_is_Love 💝

Ang pahiyum ug katahom mo akong mahal, 

Nahisamas' usa ka tubang bahal. 

Ang kalami niini,  Talagsao'g manuhup-tuhop sa kasing-kasing ko'g kaugatan.

#God_is_Love 💝

Sa mataghigayong hidlawon kos' imong mga parayeg, 

Kasing-kasing ko, hinay-hinay nga nawad-ans' kadasig. 

#God_is_Love 💝

Bisan pa'g unsa ka kalig-on, muabot gayod ang panahong, 

Bation ka'g kahuyang nga maoy mamahimong dalan nganong mawad an ka'g paglaom.. 

#God_is_Love 💝

Unta mahisama akos' kahayag sa adlaw sa tanang kahigayunan. 

Arun bisan pa'g para sa uban,  wala ko'y kapuslanan. 

Apan likod niini, pahilum akong makahatag ug kadasig ug kahayag sa adlaw-adlaw nilang panginabuhian. 

#God_is_Love 💝

Usa sa sakit nga kamatuoran, 

Kanang gibuhat na nimo ang tanan arun siya matabangan. 

Apan gidaot ug gilibak pa hinuon ka niya, atubangans' pundoks' imong kahigalaan. 

#God_is_Love 💝

Tungod sa kalisud sa panahon karun, 

Ang katawhan, anam-anam nga nawad-an sa paglaom. 

Tungod sa nangawakrat nga kaugmaon', 

Nahulmas' mga pagsuway'g sulirang gipakigbatukan tas' tanang higayon. 

#God_is_Love 💝

Kung tanan manugad lang unta sa nilumpong silhig tukog, 

Duna untay tiunay nga kahiusahans' pagpanday sa nagusbat natong dungog. 

#God_is_Love 💝

Ang hustong pagtuo'g binuhatan, 

Maoy makaluwas sa katawhan. 

Busa angay'g matarong nga buhaton ta ang tanan, 

Sumala sa kung unsay sakto'g gikinahanglan. 

Ug ang mga sayop, ato gayong pagalikyan.

#God_is_Love 💝

Ang langgam nga gawasnon sa paglupad, 

Kung dakpon nimo'g tangkalon, siguradong sa kasubo, magahilak. 

Kinabuhis' katawhan nahisama'g nanugad usab. 

#God_is_Love 💝

Sa dihang ang kapanganuran, gihabulan sa kasubo'g pagbangutan. Naabli ang gaamag-amag nga pultahan sa pagbasol ug kagul-anan. Isip usa ka yanong timawang nahitumpawak sa maong matang sa kaalautan. Gisalom ko ang kadagatan. Gisuot-suot ang kalasangan. Gipatag ang kabunturan. Ug diha, akong nasayran ang pahiyum mo'g katahom nga   maoy nakawagtang sa pinilu-pilo kong suliran. Nga dugay ko ng ginapas-an-pas-an.

#God_is_Love 💝

Kung kining akong mga mata, 

Makakita'g mutan-aw ma'g laing dalagita. 

Apan pakateman-eng matagkarun ug unyan, 

Ang kasing-kasing ko'g paghigugma. 

Gitagana'g gihalad ra gyud para sa imoha. 

#God_is_Love 💝

Ayaw pagpaulipon nianang imong gibati nga daw sa tubli ang kapait.  

Kanimo, wala nay laing mahatag kundi kagul-anan ra'g kasakit. 

#God_is_Love 💝

Daw sa lansang ang pagmahal ko diha kanimo. 

Kay bisan pag ilansang kos' kahoy sa mga pagsuway,  magpabilin jud sa paggimaw akong ulo. 

Ug simbolo kinis' walay sukdana'g utlanang paghigugmang gibati ko diha nimo. 

#God_is_Love 💝

Nagkalagyo man ta mahitungod sa hulgas' deligado'g makamatay nga pandemya. 

Apan ang masayrang luwas ug naa kas' maayong panlawas uban ang pamilya. 

Dako na kaayong grasya'g kalipay sa akoa. 

#God_is_Love 💝

Basta teman-e lang gayud sakanunay, 

Tumanon ko ang akong mga saad, ug lauming dili ka gyud magmahay. 

#God_is_Love 💝

Dili ta makabato'g makasinati'g kaharuhay, 

Kung dili usab kita makasinati'g mabug-at nga hagit ug mga pagsuway. 

Maong kinahalang magmaisog ug magmalig-on kita sa kanunay. 

#God_is_Love 💝

Saligi'g higugmaa ang kaugalingon nimo. 

Mao ni unang lamas, sa pagluto sa pangandoy mo'g mga damgo.

#God_is_Love 💝

Ang kasing-kasing, sagrado'g tinubdans' tanang kinaiya'g kaakuhan. 

Maong wala kay katungod arun kini samara'g pasakitan.

#God_is_Love 💝

Usa kas' nadawat kong himaya, 

Kanunayng' ginahandom, matagkaru'g unya. 

Gitugkans' kalipay ko'g kasadya.

#God_is_Love 💝

Hapit na usab ang abli sa klase,

Gipanghinaot ko nga ang tanan magmaampingon permi. 

Mga ginikanan, inyong mga anak, giyahe'g ayaw tawon pasagdi. 

Kay nasayod kitas' panahon karun, ang kakomplikado,  kadelikado'g kalisud, nagkagrabi. 

#God_is_Love 💝

Hilabihan kanindot ang makat-on, 

Usa kinis' komprehinsibong pagpangandam, alang sa gitinguha'g gipangandoy tang maayo'g mabungahong kaugmaon. 

#God_is_Love 💝

Kay ang edukasyon pasaportes' gihangad tang mga damgo, 

Busa kabataan, nagahangyo ako kaninyo. 

Paningkamot intawon mo, arun makahuman kamo sa pag-eskuwela ninyo. 

#God_is_Love 💝

Matag usa kanato, dunay nagkadaiyang mga damgo. 

Pero kung kutob ra kitas' pagpamulong sa maong matang sa damgo. 

Magpabilins' kangitngit ang kaugmaon nato. 

Maong damgo inubanans' buhat ug pagpaniguro, 

Ang kaugmaong gihabula'g gigakos sa kangitngit, mahisama kahayag sa nagdilaab nga kalayo.

#God_is_Love 💝

Kung magtinabangay lang ang tanan sa umaabot nga klase, 

Kabaskog sa huna-huna, kasing-kasi'g panlawas sa kabataan, ang usas' maayo'g siguradong maani.

#God_is_Love 💝

Bag-ong adlaw, bag-ong kinabuhi, 

Bag-ong taktikas' pakigbisog, arun lamang kita mabuhi. 

#God_is_Love 💝

Batio'g kakapoy ug kahuyang, 

Apan dili magpakawalas' paglaom, kay kini, partes' mga pagsuway lamang.

#God_is_Love 💝

Ang kanta gimugna bases' gibati, nakita, nadungga'g naagians' usa ka iladong manunuwat. 

Kita usab nga katawhan gimugnas' atong Ginoo base'g pinaagis' kagustuhan niya'g paghigugmang walay kinutuba'g paglubad!

#God_is_Love 💝

Kung hatagan ko'g higayon, arun balikan ang nangagi, 

Gusto nakong balikan ang panahon, nga nangaon sila'g pan apan wala ko nila hatagi. 

Kay mga sarab man lagi! 

#God_is_Love 💝

Ang kinabuhis' mag-uuma, hilabihan kabug-at ug kalisod. 

Maong imbes na sila biay-biayon, bisbisan hinuon natos' pasalamat ug pagtahod. 

Kay sa pang-adlaw-adlaw nga panginabuhian, usa silas' nagahatag kanato'g tumang kusog. 

Samas' atong pagkaon nga sa taknang taggutom, kanato, usas' maoy makapanalipod. 

#God_is_Love 💝

Samuka'g papansin kaayo ang langaw, 

Kapila na nako giingnan nga dunay koy hinigugma, ug kana mao IKAW! 

#God_is_Love 💝

Hangda ang kapanganuran, hikaplagan mo ang kahayag sa Adlaw. 

Tan-awa ang kadaraho'g kaumahan, makita mo ang mga Kabaw. 

Sawma ang pusod sa kadagatan, ikahinugat mo ang nagkadaiyang kataw. 

Ug ablihi akong kasing-kasing, ang sulod niini, ikaw'g ang pagmahal mong ang katam-is nahisama sa Ampaw. 

#God_is_Love 💝

Ayaw'g basula imong kaugalingon, 

Mahitungod sa kasaypanang nabuhat mos' imong kagahapon. 

Hinuon, himua kining lig-ong pagtulun-a'g pundasyon, 

Arun mamahimong mabungahon ang imong karun ug kaugmaon. 

#God_is_Love 💝

Ang kinabuhis' tambay, 

Hilabihan gayud ka laay. 

Maong mitabang akos' buluhatons' panimalay, 

Arun dili ko makasab-a'g mabunalan nila nanay ug tatay. 

#God_is_Love 💝

Sauna katong nangaligo mi'g busay, 

Ang kabugnaws' agas niini, sa'kong kasing-kasing, daw sa nanganay-kanay. 

Ug diha-diha gayod akong nabatyagan, nga ang akong mga balatian nakabato'g tumang kahupay. 

#God_is_Love 💝

Isip usas' binuhat nga kanimo nagmahal, 

Kanunay kong ginaampo ang kaayuhan mo'g kaluwasan. 

Maong palihug, pag-amping sa tanang kahigayunan. 

#God_is_Love 💝

Ang imong kabuntagon, 

Ubani's imong pagkamadasigon. 

Arun ang mga negatibo mong huna-huna'g desisyon, 

Kahulipan mo'g positibong panlantaw sa imong karun.

#God_is_Love 💝