Balak ( "Ang Agas sa Tubig Kung Imong Pugngan, Mangita Kini ug Iyang Kaugalingong Agianan o Gawsanan!")

 "Ang Agas sa Tubig Kung Imong Pugngan, Mangita Kini ug Iyang Kaugalingong Agianan o Gawsanan!"

I. Ang paghigugma usa ka seryosong butang;

Sagrado kini nga di angay pagaduwa-duwaan.

Gitukood kining dunay pagtugot sa kahitas-an;

Kinahanglan kining palambuo'g pagaampingan! 

II. Nganong tuyuan sa pagsulod, kung sa katapusan, mangayo ra gihapon ka'g kagawasan?

Unsay katungod nimong mugunit sa iyang mga bukton, kyng imo ra gihapon siyang buhian?

Nganong naglaom kang mahimong kapikas sa iyang dughan, kung di nimo siya kayang ampingan?

Ug nganong maninguhang magapos sa usa ka responsibilidad, kung di kayang pagabarugan?

 III. "Ang dudiritso nga paglakaw, lawom ang pagkatunok nga mahiaguman;

Apan kung ang paglakaw hinay-hinay lang, matunok man gani, mabaw ra ang pagkatunok na mabatyagan."

Sa usa ka relasyon, usa ka musulod, huna-hunaa usa sa makadaghan!

Kay ang pagbasol wa sa una o sa tunga, kini, naa kanunay sa katapusan! 

IV. Nasayod kitang kung gugma na ang mumando kanatong tanan;

Gustuhon man nato'g sa dili, mamahimo kitang ulipon sa pinitik ning atong dughan.

"Ang Agas sa Tubig Kung Imong Pugngan, Mangita Kini ug Iyang Kaugalingong Agianan o Gawsanan!"

Sama usab niini paghiGUGMA, MAPAMAAGIHON sa tanang mga kahigayunan! 

#GODISLOVE 👉💕👈