Hugot Bisdak 1

 Ang kaSAMOK dili hustong SOLUSYON, sa pagKAB-OT sa giTINGUHAng AMBISYON!

Kay mamaHIMO kining maANGKON, sa usa pamaAGING maLINAWon;

Kung kini ATO lang gyung GUSTUhon! 

#God_is_Love 💝

Grabi ang pagPANINGKAMOT nga giHIMO sa'tong mga Ginikanan;

Arun ang mga nagkadaiya tang Pangandoy sa kiNABUHI, maHATAGan la'g kaTUMANan! 

Hinaot nga ato pod kining SUKLIan;

PinaAGI's pagHATAG nini'g dakong BILI'g giBUG-ATon, SULOD sa Huna-Huna ta'g Dughan!

#God_is_Love 💝

Ang USA ka SITWASYON, maLISUD man o maSAYON;

Kinahanglan kini natong ATUBANGon nga PUNOs' kaDASIG ug kaLIG-ON!

Ang pakipagBISOG, Angay'g maTARONG nga kanunay tang pagaBUHATon;

Sa tanang PANAHO'g HIGAYON, di TA dapat magpakaWÂ sa pagLAOM! 

#God_is_Love 💝

Unta ang PAGBATIs' kaTAWhan, mahiSUSAMAs' usa ka niLABHAN.

Nga mamaHIMO maKUSUHA'g maLUBAGan, arun ang kaGUL-ANA'g kaSAKIT maWAGTANG;

Kung PANANGLITa'g maLIMPYO na kini'g maTALINUPSAN! 

#God_is_Love 💝

Lisud kung kinaBUHI na ang maMANSAHAN, 

Kay walay SABON nga pwedeng GAMITon, arun kini maTANGTANG!  

#God_is_Love 💝

Usa kita muSULOD sa kinaBUHING Minjo, mga Dodong ug mga Inday;

Kung pwede, ato sa gyung HUNA-HUNAon sa makaDAGHAN.

Kay kung magpaULIPON gani TAs' PIniTIK niining HUNA-HUNA ta'g DUGHAN;

Ang umaABOT nga mga ANAK, mao ra ba gyuy makaSINATI'g kaALAUTan!

#God_is_Love 💝

Subó kaAYOng pamaLANDUNGon, nga aNAA'y mga butang nga maAYO ra sa UNA.

SuSAMA PANANGlitan sa SAAD o mga paSALIG nga giPATUO niyas' IMOhá! 

#God_is_Love 💝

Usa ka magpaBITIK niinang TAM-IS nga mga pulong nga iyang giBUHIAN.

SIGURADUha gyud usa kung kini, KAYA ba niyang BARUGán!

#God_is_Love 💝

Ang pag-DRIVE ug MOTOR, samas' pagDALA natos' ATOng KAUGALINGON. 

Kung DILI gani ta makaMAOng mo-CONTROL sa'tong EMOSYON;

MakaSINATI gyud ta'g pagkaLUKAPAng walay si bisan kinsa ang magDAHOM! 

#God_is_Love 💝

Dat-ugan man tas' pinilu-pilung suliran, 

Niining kalibutang atong gikahimugsuan;

Ipugas tas' atong huna-huna'g dughan, 

Duna kita'y Diyos, nga andam manalipod ug mutabang. 

Ilabi nas' panahon sa kakulia'g panginahanglan. 

Kaniya, isalig ta ang tanan, 

Ug wala jud tay anagayng' kabalak-an! 

#God_is_Love 💝

Pagmata sayos' kabuntagon, 

Nindot kaayong paminawo'g pamalandungon. 

Ang matam-is nga pahiyum, 

Gikan sa mga ginikanan mo'g mga igsuon.

#God_is_Love 💝

Kung karung buntaga, 

Nakahimo ka pas' pagbango'g pagbuklat niaanang imong mga mata;

Kaniya, angay'g matarong, nga MAGPASALAMAT ka. 

#God_is_Love 💝

Wala man koy gahom, 

Arun ibalik ang kagahapon. 

Apan duna akoy higayo'g panahon. 

Arun kini bag-uho'g mahimong usa ka sulundunon. 

#God_is_Love 💝

Ang akong kahuyang, 

Maoy nagtulod nakos' akong kaalautan. 

#God_is_Love 💝

Ayaw'g ugma-ugmaa, 

Kung karun, mahimo na. 

Kay dili nato, matagna, 

Kung mabuhi pa ba ta inig kaugma! 

#God_is_Love 💝

Subo kaayong pamalandungon, 

Nga kung kinsa pa tong seryoso'g nagtarong;

Mao pa nooy kabuanga'g biay-biayon. 

#God_is_Love 💝

Ang tigbayon niining duha ta ka gugma, 

Gihaligia'g pagsalig ug pagsinabtanay sa usa'g usa. 

Walay makatimpag niini nga bisan kinsa, 

Gawas nalang kung mubuhi'g mubakwi kas' gisaluhan tang panumpa. 

#God_is_Love 💝

Kanang inyong kalisud karun, 

Mao nay mahimong dalan puhon;

Arun mahimong gawasno'g malampuson, 

Inig abot sa hustong higayon. 

Teman- e:

Dunay hustong takna, panahon ug higayon, 

Sa tanang butang nga imong gipangandoy karun. 

Sa paghuwat, kinahanglan kang makat-on, 

Arun dili ka matam-ukan, nagkadaiyang sulira'g pinilu-pilung pagbasol! 

#God_is_Love 💝

Ang atong kalawasan, nagkinahanglan ug kan-on arun magmahimsog ug maayo. 

Ang atong kaisipan nagkinahanglan pod ug tiunay nga pagbasa arun kini mabaid, muhait ug malikyan ang pagkadusmos' tanang klases' komentaryo. 

Ang ato usab nga espiritu nagkinahanglan ug pag-ampo, arun mapalambo ang atong pagtuo, ug ang atong koneksiyon sa mahigugmao'g maloloy-on tang Ginoo. 

#God_is_Love 💝

Ang dagan sa kinabuhi mo, bag-uha'g paayuha;

Pinaagis' pag-usab nianang pinitik sa dughan mong nahumulans' suliran o problema. 

#God_is_Love 💝

Bahala ka'g unsay imong pagabuhaton, 

Siguraduha lang nga sa katapusan, mapabilin mo ang imong pagkamalipayon. 

#God_is_Love 💝

Mupatigbabaw ang sidlak sa kinabuhi, 

Kung pagabuhaton mo ang unsay sakto, kinahanglano'g mga butang nga hilabihan ka importante. 

#God_is_Love 💝

Gihimugso kita niining kalibutana, 

Arun ipakita kung unsa'g kinsa ta. 

Dili arun mahimong perpekto sa matas' mga tawong nakapalibot sa atoa. 

#God_is_Love 💝

Wa la 'ko nanginahangla'g manginahanglan ug abundang bahandi'g panginabuhian, 

Akong gikinahanglan? 

Mao ang kinabuhi'g pangamuyong simple, apan puno sa pagsalig ug kalipay;

Kinabuhing tagsa ra makit-an, pero naputos sa presensiya ug pahigugma sa Ginoong magbubuhat sa tanan. 

Kay ang tinuod nga kalipayng' walay utlanan, sa Ginoo rajud nimo hikaplaga'g matagamtaman. 

#God_is_Love 💝

Ang kinabuhi sa tawo sama sa usa ka sira o pultahan, 

Gibuhat arun abrihan, ug arun usab sirad-an o sirhan. 

Matag-abri'g sira niini, dunay magagawas-sulod nga katawhan, 

Nga maghatag ug magtudlo kanatos' tanang matang sa pagtulun-an, 

Nga atong magamit, samtang kita nagpadayon sa pakigbisog nagkadaiya tang suliran. 

#God_is_Love 💝

Sulita ang ang pagpakabuhi nimo karun, 

Kay kining tanan, mahimo nalang usa ka ka halandumon,  

Inig abot sa hustong higayon. 

Kung kini dili angay'g matarong, 

Mahimo kining usa ka dakong pagbasol nga nanginahangla'g paghinulsol. 

Apan kung kini angaya'g matarong usa kinis' kaaging pagkabilinhon;

Nga angayng' ikapasigarbo sa tanang panahon. 

#God_is_Love 💝

Kinahanglang mapatigbabaw mo ang imong pagsalig ug pagtuo sa Ginoo; 

Kaysa kahadlok sa mga hagit ug pagsuway nga niabot ug muabot sa nimo. 

Kay kining tanan usa lamang ka sukdanan ug pandayan sa matuod tang pagkatawo. 

#God_is_Love 💝

Sa mataghigayong gigahin ko diha kanimo, 

Nahimo kining usa ka matuod ug hilabihan ka bilinhong damgo. 

#God_is_Love 💝

Ang kasing-kasing nga puno sa pagmahal, 

Ang usa ka konkretong pundasyo'g gahom sa matuod nga kaalam.

#God_is_Love 💝

Unta ang buwan sa July, 

Mapuno sa kasadya'g kalipay. 

#God_is_Love 💝

Sa mga magsaulog sa adlawng' natawhan nila karung buwana, 

Itugyan unta kaninyo ang tanang matangs' gitinguhang gasa'g grasya. 

#God_is_Love 💝

Matagkarun ug unya, 

Angay'g matarong nga mag-ampo'g magpasalamat kita KANIYA (Atong Ginoo).

#God_is_Love 💝

Ang unang adlwas' buwans' July, 

Sugdan tas' pagpabuhagay sa panagkaigsuunay, pagtinabangay'g paghigugmaay. 

#God_is_Love 💝

Boyfriend nga saputon, 

Plas, Girlfriend nga masinabtunon. 

Kung mabali ang situwasyon;

Girlfriend nga saputon, 

Plas, Boyfriend nga masinabtunon. 

Ekwals, perpek kumbinisyon.

#God_is_Love 💝

Bag-ong adlaw, kinabuhi'g oportunidad, 

Kanato karun, IYANG gitugya'g gihatag. 

Busa angay kitang magdayeg ug magpasalamat, 

Sa tanang kaayo'g panabang nga atong nadawat.

#God_is_Love 💝

Ayaw na'g ipamugos imong kaugalingon, 

Sa binuhat nga walay planong magtukod ug lig-ong tigbayon sa usa ka relasyon. 

#God_is_Love 💝

Kung makita'g gibati nimong wala na siya'y gana, 

Buhii na siya'g hunong nas pagpanlimos sa iyang gugma. 

#God_is_Love 💝

Kung papilion gani ka, 

Sa imong Una, o Ikaduha;

Wala nay igong rason nga pilion pa nimo ang Una. 

Kay dili man jud ka mangita'g ikaduha kung gihigugma pa nimo ang una. 

#God_is_Love 💝

Kung nagsinakit man imong dughan, 

Mahitungod sa kamatuorang imong nasaksihan. 

Dawata nalang ang tanan. 

Kay dili mana siya mubuhat ug ingun ana nga butang, 

Kung tinuod jud ka niyang gimahal. 

#God_is_Love 💝

Siguro wala pajud niya matungkad ang matuod nga bili sa relasyong inyong gihaguan ug gipaningkamutan sa pagpanday. 

#God_is_Love 💝

Kung ang pagbuhi sa iyaha, 

Maoy makahatag ug tumang kalipay kaniya. 

Wala nay rason para mupugong paka. 

#God_is_Love 💝

Unsa manang maniguro ka'g gunit sa iyaha, 

Kung siya najud mismo ang musulti sa imoha nga...... 

"PAMUHI NAS' PAGGUNIT NIMOS' AKOA". 

#God_is_Love 💝

Unsaon ma ng kanindot sa inyong mga plano, 

Kung siya na ang mupakita'g motibo;

Nga kanimo, wala na siyay gusto. 

#God_is_Love 💝

Ayaw kahibulong kung nganong nasakitan ko, 

Ikaw daw kuno'y mahigugma sa usa ka binuhat nga wala gikonsidera kung unsay gibati'g bation nimo. 

Diba makaingon ka'g husto ang gibati'g gipamulong ko. 

#God_is_Love 💝

Ang pagtukod ug usa ka relasyon, 

Samas' pagtabok sa kalasangan nga daghang maisog nga Tigre'g Leon. 

Lisud kaayo'g dili basta-basta masayon-sayon,

Maong kinahanglang ampingan, amumaho'g palig-unon! 

#God_is_Love 💝

Dali raman kong kaistorya, 

Prangkahi ko'g wala nakay gusto sa akoa. 

Lisud man gud ning Magplinastik ta, 

Basin mulutaw niya ta'g simbako mubaha. 

#God_is_Love 💝

Tinuod nga wala koy ikapasigarbo'g ikapanghinambog sa imoha, 

Usa ragud ko ka yanong TIMAWA. 

Pero dili man siguro na balidong rason arun makapasakit ka. 

#God_is_Love 💝

Dawat man nako kung dili ka ganahan nga magdugay ta, 

Ang importante pareho tang nasayods' kamatuoran nga dili ako ang nagbinuang sa atong duha. 

#God_is_Love 💝

Sayod kang limpyo kaayo akong tinguha sa duha ta gugma, 

Pero nganong nakahimo man kas' pagbinuang ug pagpasakit sa akoa. 

#God_is_Love 💝

Teman-e lang nga bali-bali ang panahon, 

Puwede'g imoha pa karun, 

Mahimong ako na'sab ugma kung pagaswertehon. 

#God_is_Love 💝

Dili man siguro makatarunganong rason ang akong mga pagkuwang,

Arun imo kung ilisdan sa kahimpitan.

#God_is_Love 💝

Mangutana ko, 

"Unsay mas sakit para nimo, 

Ang I-Block o I-Unfollow? "

Bitaw mas sakit kung mahibawo kang wala na siyay FEELINGS para nimo.. 

#God_is_Love 💝

Mataghagnas' tinulos' uwan, 

Niining maduwa-duwao'g mapanghagiton tang kalibutan;

Grasyang dili kabayran ug pinilu-pilung bahanding gipanaghiyas' mga elitista'g pundoks' mga adunahan. 

#God_is_Love 💝

Move on? 

Sayon ra kaayo ipamulong o litukon, 

Apan hilabihan ka lisud buhaton. 

Kung sa pagbuhat niini ikaw nakat-on ug makat-on, 

Sa tibuok nimong kinabuhi, teman eng usa nis' nahimo nimong pinakanindot nga desisyon. 

#God_is_Love 💝

Ang pulong nga PAGSALIG, 

Nahisamas' basong gihinay-hinaya'g butang ug TUBIG. 

Kung masobraan, posibleng maabuso, muawas, mausik, ug di na mabalik. 

Sama usab kinis' bildong basong' nabuak kay nabuhian nimo. 

Mahimo pang isumpay o kumpletuhon pag-utro, 

Apan dili na sama kalig-on sa original o sa higayong wala pa kini mabuak tungod nimo.

#God_is_Love 💝

Kung ako ang "ORAS", 

Ikaw usab ang "AN", 

Kay dili ug dili mabuo ang "ORAS-AN" (ORASAN), 

Kung dili ta MAGKAUBAN. 

#God_is_Love 💝

Ang mapinanggaong pagsapnays' bawod sa kadagatan, 

Ug ang maamumahong pagsapwangs' bul-og sa kasapaan;

Usas' dako'g lig-ong temaelhan, 

Nga ang Ginoo, kanato andam sa pagtabang sa tanan tang panginahanglan. 

Kaniya, palihug, ISALIG ta ang ang tanan! 

#God_is_Love 💝

Samtang gitan-aw'g gitutukan ko ang kahayag gikan sa buwan, 

Mitatak ug kalit sa'kong panumduman ang matam-is nga pahiyum, gumikan sa'kong mahal. 

#God_is_Love 💝

Ang tanang tubig sa kasapaan, 

Usa rajud ang pagaasa'g pagapadulngan;

Kini mao ang halapad ug halawom nga kadagatan. 

Mao usab kitang mga katawhan, 

Taliwala sa nagkalain-lain tang pagtuo'g binuhatan, 

Usa ra gihapon atong dangpanan;

Kini mao Gamhana'g Balaanong Ginoong magbubuhat ug maoy nanag-iya sa tanang butang niining kalibutan

#God_is_Love 💝

Sa'kong pag-inusara, duna ako'y nasayran, 

Nahisamas' pananom ang kinabuhis' katawhan. 

Kinahanglan kining bisbisan kinasing-kasing nga pagpangga'g pag-ateman, 

Arun muluntad ug mulumbo sa tanang katuigan. 

Angayan tang pakateman-an, 

"Ang kinabuhi, bugtong ug atong hinugman, 

Kinahanglang ampingan kay kini gitugya'g gisalig kanato sa'tong Ginoong makagagahom sa tanan. 

#God_is_Love 💝

Kung gusto ka mahimong ehemplo, 

Arun mabag-o ang kinabuhi sa mga tawong nakapalibot kanimo;

Bag-uha usa ang kinahanglan mong bag-uhon sa kaugalingon nimo. 

Kay unsaon man nimo pagkahimo ug maayong ehemplo'g modelo, 

Kung mapakyas ka sa pagbag-o sa kaugalingong kinabuhi nimo. 

#God_is_Love 💝

Matud pas' panultihong pinitik-dila sa'tong katiguwangan, 

Ang pagbag-o o kausaban ang permanenteng butang dinhi sa kalibutan. 

Angay'g matarong nga itisok ug ikulit ta kini sa tagsa-tagsa ta ka huna-huna'g dughan. 

#God_is_Love 💝

Usahay ang kinabuhi, lisud kaayo sabton, 

Dunay higayon nga gitikon ka'g pakataw-on, 

Apan duna poy panahon nga ikaw duwa-duwaa'g ra'g pahilakon. 

#God_is_Love 💝

Mga kaigsunan, nasayod kitang tanan, 

Nga ang atong kinabuhi, gikaluhaan ug patung-patong nga suliran. 

Maong dili ta dapat magpakawala sa paglaom tungod sa kalisud ug mabug-ag nga problemang atong naagian, maagia'g ginapas-an-pas-an. 

Teman-e, kung unsa ka daghan ang bituon ug isda sa kalangita'g kadagatan,

Mao usab ang gidaghanon sa solusyon sa gihambing tang mga suliran. 

#God_is_Love 💝

Kung hatagan ko'g laing higayon sa katigayunan, 

Arun sa pagmugna ug kaugalingon kong kalibutan. 

Ako ang maoy mahimong init ug ulan,

Arun maghatag ug kainit ug katubigan sa katawhang akong nasakupan. 

Ug ikaw usab ang adlaw, buwan, ug kabituunan. 

Nga maoy maghatag ug walay katapusang kahayag sa kalibutang gitinguha kong pagasawhan ug pagatambayayungan tas' pag-ateman.

#God_is_Love 💝

Sa akong pagtikaw-tikaw, sa dalang akong gilakwan, 

Misantok sa'kong kaisipan;

Nga ang yuta ug bato, nga sa adlaw-adlaw atong gitamakan, 

Sa oras sa'tong kamatayon, mao na usab ang mutamak kanato sa gikalot tang lubnganan. 

#God_is_Love 💝

Ayaw pagpamulong nga walay nahigugma sa imoha. 

Kay ang atong Ginoo ug imong pamilya, 

Maoy nagligo kanimos' pagmahal ug pag-amuma. 

#God_is_Love 💝

Unsay dili nimo kayang mabuhi kung wala siya? 

Pila naman ka katuig nga nagpakabuhi sa kalibutan usa mo siya nakaila? 

Ang pagpakabuhi, nakadepende na sa imoha, 

Ug dili sa mga binuhat nga imong nakaila, mibiya'g gipasakitan ka. 

Ayaw ragud pagpakaTANGA! 

#God_is_Love 💝

Likod sa gamayng' payag nga among gitukod, 

Sa giamumang uma ug gitamnan namong buntod. 

Makita'g mainom mo ang mabugnaw ug malimpyong tubig nga naggikan sa gamay'g balaanong tubod. 

#God_is_Love 💝

Kung mahimong magbinantayon lang ang tanan, 

Matag-usa kanato, makat-on sa kamatuoran. 

Nga ang tanang butang niining kalibutan, 

Madako man o magamay, mahalon man o barato lang, magunitan man o dili makit-an. 

Dunay nakatagong bili, nga atong magamit sa panahon sa'tong panginahanglan. 

Busa angay'g matarong nga ato kining pagaampingan. 

#God_is_Love 💝

Kung naa lang unta koy pako, sama sa langgam, 

Mulupad jud unta kos' kapunaw-punawans' kapanganuran. 

Arun akong makit-an ug matabangan, 

Ang katawhang dunay mabug-at nga pagsuway ug mga suliran. 

#God_is_Love 💝

Dili man ko ganahan mahimong SUPER HERO. 

Ang ako lang, dili ko ganahan makakita'g tawo, 

Nga naglisud ug gihikawans'suporta'g panabang gikan sa awtoridad o sa gobyerno. 

#God_is_Love 💝

Wala nay mas mulabaw pa sa kanindot sa kinabuhi,

Sa mga tawong nagpuyo nga puno panagkahigalaay, ug kung mutabang, walay pinili. 

Ug ako, ang maoy usa sa saksi niini. 

Taliwala sa kalisud, ang Kristohanong paghigugma, nagpatigbabaw jud permi. 

#God_is_Love 💝

Ikaw ang akong nag-inusarang aninipot, 

Nga maoy gitubdans' kahayag niining kinabuhing naghumol sa kangitngit ug wanang lakip hasta ang mga suok. 

#God_is_Love 💝

Ang gugma mura ug kuwarta, 

Importante kaayo sa atoa. 

Dili gani nato kayang mabuhi kung wala ni siya. 

Taliwala sa nagkalain-lain tang pagtuo'g ideolohiya, 

Mao ni ang hinungdan ug kung nganong nagkahiusa ta. 

#God_is_Love 💝

Not done yet

Unta mawala na sa hingpit ang gipakigbisugan tang pandemya, 

Arun ang katawhan, dili na mahadlok ug mabalaka. 

Ug arun usab wala nay kinubuhing makalas ug madisgrasya! 

#God_is_Love 💝

Sa kalisud ug kadilikados' panahon nato karun, 

Gipanghinaot ko nga unta ang tanan, magmaampingon. 

Usa ra kinis' matang sa pagsuway ug suliran nga misukod sa'tong kalig-on. 

Itanom tas' atong kaisipa'g dughan nga dunay bangaw inig human sa uwan sa tanang panaho'g higayon. 

#God_is_Love 💝

Gikapoy naman ko'g tambay sa'mong panimalay, 

Naa man ko'y Quarantine Pass ug Face Mask, puwede diha napod ko mutambay sa inyong balay?

#God_is_Love 💝

Ang kainit sa panahon, 

Usaha'y maoy makapahinumdom;

Sa nanlabay tang kagahapon. 

#God_is_Love 💝

Bisan pa'g gamay kos' imong panan-aw, 

Apan kaya tekang pandayan ug kaugmaong, labaw pas kristal ang katin-aw. 

#God_is_Love 💝

Usa ka masanagon, malipayo'g mabungahong adlaw kanimo pinangga ko. 

Katin-aw sa kasing-kasing ug huna-huna, karun, maanaa unta kanimo. 

Arun mahimo kang madasigon sa imong trabaho. 

Kaon ug pag-ampo sa'tong Ginoo, 

Isulat kanunay sa huna-huna nimo. 

Kay mao kini maghatag ug tumang determinasyon ug kusog kanimo, pinangga ko. 

#God_is_Love 💝

Samtang nagpadayon sa pagkuyanap ang delikado'g makamatay nga pandemya, 

Hinaot nga ipagtigbabaw ta ang maayo'g sulundon nga kinaiya'g disiplina. 

#God_is_Love 💝

Daghan na kaayo'g kinabuhi nga nakalas,

Tungod sa NCOV2K19 nga kanato, nagdala'g naghatag ug MALAS. 

Maong hinaot nga magmaampingon kita sa tanang ORAS. 

#God_is_Love 💝

Ang FACE MASK, maoy usa sa bag-ong gikonsiderang taming ug hinagiban sa katawhan. 

Arun pakigbatokan ang pandemyang niguba ug libu-kalibuang kinabuhi'g panginabuhian. 

Busa mga kahigalaan-sa LUZON, VISAYAS, MINDANAO, ug sa Tibuok kalibutan. 

Ang pagsul-ot sa Face-Mask, dili jud unta nato kalimtan. 

Arun mapabilin ta ang atong gipangandoy'g gilaumang KALUWASAN. 

#God_is_Love 💝

Kung dunay delikado'g makamatay nga NCOV2K19 nga mikuyanap na'g maayo. 

Aduna pod kita'y GAMHANAN, MALOLOY-O'G MATIBANGONG GINOO.

KANIYA, angay'g matarong nga kanunay kitang MAG-AMPO. 

Kay SIYA ang bugtong MAGBALANTAY ug TAGAPANALIPOD nato.

#God_is_Love 💝

Adlaw na usab nga Dominggo, 

Magadayeg, mag-ampo'g magpasalamat kita kanunay sa'tong GINOO. 

Tungod sa tanang grasya, kalooy'g panabang nga permi niyang gitugya'g gihatag kanato. 

#God_is_Love 💝

Sa tanan tang gipangkaon, 

Pamahaw, paniudto'g panihapon. 

Gasa'g grasyang naggikan sa Ginoo tang makagagahom. 

Angay'g matarong nga pagahimayaon ta siya'g pagadaygon;

Sa tanang panahon ug higayon. 

#God_is_Love 💝

Diyos namong Pagkabalaan, 

Nasayod ang tanan mong katawhan;

Sa kaayo mo'g pagkabuotan. 

Hinaot nga sa kalisud sa krisis nga amo karung nahiaguman. 

Dili mo kami talikdan ug biyaan, 

Kay Kanimo gisalig namo ang tanan-tanan, 

Kay ang imo rajung pagbuot ug kagustuhan ang maoy masunod ug matuman sa tanang kapanahuna'g kahigayunan. 

#God_is_Love 💝

Bisan pas' akong pagkamakasasala, 

Apan mapasigarbuhon kong ikapamulong sa inyoha. 

"Duna koy Ginoong tagapanalipod sa akoa taliwa sa tanang kalisud, pagsuway'g suliran nga akong nasinatia'g masinatian pa.

#God_is_Love 💝

Kung magtago kas' kalasangan, 

Pamutlon ko ang kakahuyan, ikaw, ako lang makit-an. 

Kung magtago kas' pusod sa kadagatan, 

Andam ko kining pahubsan, 

Ikaw ako lang ikauban. 

Walay delikado'g imposible butang, kung ikaw na ang pagahisgutan. 

Tungod kay ikaw ang akong kinabuhi'g kalibutan. 

#God_is_Love 💝

Kanimo pinangga ko, 

Ako, mapasalamaton kaayo. 

Kay taliwa sa mga pagkuwang ko diha kanimo. 

Nagpabilin kang magmasinabtunon ug kanunay nga mipatigbabaw ang kabuotan mo'g kaay o. 

#God_is_Love 💝

Kung nakasugod na sa pagsiga'g pagdilaab ang kayo, 

Kinahanglan kining pagngon arun dili mukuyanap ug maayo. 

Arun usab dili magbunga'g kasubo kanato'g sa atong isig katawo. 

#God_is_Love 💝

Sukad sa'tong panagkaila, nahimo kitang suod nga higala. 

Nabiktima sa tanom-bala, nagtanom ug kamingaw'g kaibog sa imoha, 

Niining huna-huna'g dughan, nagbunga'g tim-os nga paghigugma. 

Kasing-kasing giabrihan, nagpabuhagay sa gibating gugma. 

Gisugot mo ako'g nahimong kita.

Maong ako nanumpang "sa tibuok kong kinabuhi'g kalag, ampinga'g ampingan gayud teka".

#God_is_Love 💝