"Nananatili't Mananatiling Ikaw!"

 "Kung sa pag-inog ng santinakpan, pagbabago'y siya nitong tangan-tangan;

Likas mang nagbabago ang lahat ng bagay;

Ngunit sa puso't diwa ko, aking hirang..... 

Nananatiling Ikaw!"


      "NANANATILI't MANANATILING IKAW"

               _Teofilo S. Valicuatro Jr. 


I. Tayo animo'y dalampasigang magkabilaan,

na pinagigitnaan ng 'di maliparang-uwak na karagatan;

ang isa't isa'y kapuwa 'di maabot-tanaw;

sa layo ng distansiyang sa'ti'y namagitan.


II. Kung uri't paraan ng paglalapi'y siyang pag-uusapan;

tayo'y 'di unlapi't gitlapi, ni hulapi't laguhan;

agwat ang siyang konkretong patunay;

na sa uring Magkabilaan, tayo maihahanay!


III. At kung ang iitaliko nama'y ang santinakpan,

Hilaga ako't ika'y Timog aking hirang;

kung ako'y Silangan, ikaw yaring Kanluran;

tayo'y pinalilibutan ng Dagat Atlantiko't Pasipikong puwang! 


IV. Guhit Longhitud at Latitud ang siyang katibayan;

kalakip ang iba pang "Imaginary Lines";

na ang mismong Ekwador na sa'ti'y namagita'y;

siyang nagsisilbing balakid sa'ting pag-iibigan.


V. Kung ang unang apat na sakno'y 'sang Lambat,

"DISTANSIYA", ang isdang ating mahahagilap;

ang bangayan sa relasyo'y rito nakaugat (distansiya);

 distansiyang siyang sanhi ng pagkawatak-watak!


VI. Ngunit ang distansiya sa positibong pananaw,

sa ngalan ng TIWALA'y nagsisilbing HUBUGan;

sa Lutuan ng pagmamahalang ating pinagsaluhan;

distansiya'y naging panggatong sa'ting Katatagan! 


VII. Gaano man kalayo ang distansiyang namagitan;

sabihin mang sa pag-inog ng santinakpa'y,

PAGBABAGO ang siyang tangan-tangan;

Ngunit sa Puso't Diwa ko, aking hirang.... 

Nananatili't Mananatiling IKAW!


VIII. Nalalagas ang dahon sa kaniyang kapanahunan;

kakupasa'y siyang hahantungan ng kariktan;

yaring Alpha't Omega'y 'di man maiiwasan;

ngunit mahal, nawa'y iyong pakatandaan.... 

"Sa puso ko'y mananatiling ikaw!"


IX. Kapagka ang distansiya'y 'di alintana,

maging ang hirap bunga ng pangungulila;

kung siya'y minamahal mo talaga;

'sang daang bahagdang pagkatitiwalaan mo siya! 


Pakateman-e:


"Anaay pag-usab ang mga nagkadaiyang panghitabo matag-irog sa taknaan;

Samang dunay paghunas-taob ang kadagatan.

Ang kausaban nahimong kabahin sa'tong kinaiyahang di nato kapugnga'g kalikyan.

Apan bisan pa man sa gikapamulong kong kamatuoran;

Mahal, nagpabili'g magpabilin kang bituong gakidlap-kidlap niining akong dughan!"


#Happy_33rd_Monthsary

#I_Love_You_💞


#May_God_Bless_Us_Always_🙏

Comments

Post a Comment

Popular posts from this blog

TULA PARA SA'YO AKING SINTA

“Tula Para Sa’yo Aking Sinta” ni: Olifoet S. Ortaucilav Jr. Mahalimuyak na ngiti ng araw Bukod-tanging tinutura’y ikaw Sa naidlip na pagsinta’y   uhaw na uhaw Pagsintang walang halo’t tanging sa’ iyo’y   nakahalaw Tatlong masukal na kabundukan Sama-sama nating   tinahak, tinibag at napagtagumpayan Damhin mo’t sa’yo’y aking ituturan Oktubre, Disyembre’t Enerong handog ay kagalakan Distansiya ma’y namagitan sa’ting dal’wa Gabundok na balakid, hamon, suliranin, ni temtasyo’y ‘di makagigiba Pagkat kapuwa puso nati’y binigkis ng Diyos Ama Gamit ang kapangyarihan ng pananampalataya Tunay ngang palaso ni kupido’y may angking lasong nakahahalina Pagkat sa bawat pananahong dadalaw ka sa’king gunita Puso animo’y payaso nagtatampisaw’t nagpakalunod sa kalautan ng ligaya Ligayang ikaw lang aking irog ang nakapagpadarama Sadyang napakalalim man ng mga imahe, simbolismo’t tayutay Pero ‘di nito kayang higitan ang pag-ibig na sa’yo’y inia...
Read more

"Saan Ka Man Pumaroon, Ako Sinta'y Naroroon"

 "Ugat ng punong kahoy na malabay ang taos-pusong pagmamahal, kapagka habang tumatagal, ito'y patibay nang patibay. Daanan man ng malupit na hagupit ng bagyo't ula'y mananatili itong nakatayo nang lipos ng katatagan-ngayon, bukas, at magpahanggang sa libingan man!" "Saan Ka Man Pumaroon, Ako Sinta'y Naroroon!"        _Teofilo S. Valicuatro Jr.  I. Kung sa durungawan ng bahay niyo sa tuwi-tuwina'y may dumarapong paruparo lumilipad nang labas-masok, tangan-tanga'y pagsuyo 'pag napapawi nito ang lumbay sa'yong puso....  Giliw, iya'y AKO!  II. Kung sa'yong paglalakad tungong paaralan ika'y may nadaraanang ibong sari-kulay na ang isinadidila'y maririkit na "Kundimang" salamin ng pag-iibig, nating pulot-pukyutan.. Iya'y AKO, Hirang!  III. Kung ika'y dumarako sa mga liwaliwang pook nang ang pagod ay mapawi't sa ligaya'y mapupuspos at may 'sang bulaklak na ang anyo'y kalugud-lugod na 'pag ...
Read more

"Hayaan Mong Mahalin Kita sa Paraang Alam KO" (H.M.M.K.S.P.A.K)

“H.M.M.K.S.P.A.K” ni: Olifoet S. Ortaucilav Jr. Araw’y lumilipas Kasikata’y kumukupas Puno’t dahon ng kapighatia’y nalalagas Pero ang bukod-tanging binhi ng pagsintang wagas Kailan ma’y ‘di kumukupas at lalong ‘di nagwawakas Puso ko’y pumipintuho na naman Sa isang maalagima’t na dilag na hapo’t hapis ng kaalindugan Janice Cadao Pagulong Amoncio ang buo niyang pangngalan Pinagkaloob sa kaniya ng butihin, mapagmahal       at mapag-aruga niyang mga magulang Nang nasilayan kita Facebook account malimit na ini-stalk sa tuwi-tuwina Di naagapa’t lumala Nagbunga ng mahiwagang kataga Yumabong at mas naging dakila sa tawag na “PAGSINTA” Bituin ma’y susungkitin Asin’y patatamisin Di maliparang-uwak na papawirin Ay pilit kong lilipari’t hahagilapin Makamit lang pag-ibig mong kay kislap at kay ningning H.…….M…..….M……..K……..S….....P……..A……...K……. Binubuo ng walong letra Subalit nabibihisan ng mala-gintong kataga’t taktika ...
Read more