"Sa Durungawan ng Kahapong Nagdaan, Dumungaw Ka Aking Mahal"

 "Ang pag-iiruga'y hinding-hindi mapapatid, kung sa kasamyuhan ng katuksuhan, ang isa't isa, kailan ma'y hinding-hindi rin palulupig! (Valicuatro, 2021)" 


"Sa Durungawan ng Kahapong Nagdaan, Dumungaw Ka Aking Mahal"

                              -beyb_Teofy 


I. Kapuwa panaho't distansiya, ang sa katatagan nati'y sumubok;

Sa BIROng tangan ng kapalara'y, pagkalugmok yaring dulot.

Gintong-gunitang tanging sa kahapon masusulyapa'y, hanguan ng lakas-loob! 

Sa pag-igpaw ng kahapisang, sa puso'y, utay-utay na lumamo't nanunuot. 


II. Gaano man karami ang BALAng angkin ng kahaharaping BALAkid;

Tanikalang-tatag ng pag-iirugan, kailan ma'y hinding-hindi mapapatid.

Sa Bundok Apong dagok ng buhay, asaha't di rin padaraig! 

Kapagka tayo'y kapuwa likas na mandirigmang, ninuma'y 'di palulupig! 


III. Kung sa ihip ng hangi'y, kasamyuhan ng tukso'y tatangan-tanganin;

Masinghot ma'y tinitiyak kong itong puso'y, hinding-hindi pasisiil!

Kung sa kaamisang-palad, magkaminsa'y 'di maiwasang madiriin;

May "Alpha-Omega" ang lahat ng bagay, katotohanang siyang lagi nating kakanlunganin! 


IV. Kapagka sa anumang uri ng pag-iibigan, distansiya'y lumalalang ng sugat;

Gugula-gulanitin ang pagsasamahang, sa tiwala't panata'y, ubod-salat!

Subalit sa katotohanan nawa, isipa'y imulat, "ang araw kapuwa may paglubog at pagsikat;"

Kawangki ng kaAKDAang hinabi, hinahabi't hahabiin, kaDALAMHATIa'y may angkin ding wakas! 


V. Kaya, bulaklak na siya kong pinakanililiyag;

Talulot ng puso mo'y kakandunganing wagas! 

Silakbo ng pagsinta'y, tanging sa'yo'y ipalalasap;

PaAMBUNan ni patiTILAMSIKan ka ng pamimintuho't pagmamahal na walang kupas! 


VI. Kung sa masaya't marikit na pinagsaluhang alaala'y makararanas ng pangungulila;

Gunitai't muling damhin ang nakamihasnang pagsasamang, bituin sa kislap ang kapara.

Sa niyaring durungawan ng kahapong nagdaa'y dumungaw ka;

Bakasi't kumpunihing muli tamis ng alaalang pinagsaluhan sa hapag-sintang naudlot, bunga ng Pandemya!


VII. Puso'y patatagi't likas na kamalaya'y palawakin;

Kalumbayang nadarama, sa kaligayaha'y isalin! 

Huwag patiTINAG ni pauUGA sa bantang hatid ng samo't saring suliranin;

Bagkus, sa Mahal na AMA'y manalig ka't, araw-araw ka NIYAng pagpalain! 


VIII. Ang IBONg lumilipad nang malaya, tingalai't kaTUWAa'y nakaukit sa mukha;

Bagay na gustuhi'y gawin nang ubod-laya, nang matulad sa 'sang ibong tangan-tanga'y LIGAYA! 

Malamig na haplos ng simoy ng hangi'y damhi't magliwaliw nang ang buhay sumagana;

Magsisilbi itong lunas nang matuldukan, kapanglawang nadarama!


IX. Adhikain nitong puso'y, mapangiti ka, O, aking hirang;

Kapagka isa kang "Obra Maestrang" sinibulan nitong kaligayahan!

Perlas ka sa rikit na labis kong kinagigiliwa't pinakainiingatan;

Naging aking kasangga, sa kalumbaya't kaligayahan ni sa kahikahusa't kasaganaan!


#happy_27th_monthsary 👉💕👈

#God_is_Love 👉💕👈

Comments

Post a Comment

Popular posts from this blog

TULA PARA SA'YO AKING SINTA

“Tula Para Sa’yo Aking Sinta” ni: Olifoet S. Ortaucilav Jr. Mahalimuyak na ngiti ng araw Bukod-tanging tinutura’y ikaw Sa naidlip na pagsinta’y   uhaw na uhaw Pagsintang walang halo’t tanging sa’ iyo’y   nakahalaw Tatlong masukal na kabundukan Sama-sama nating   tinahak, tinibag at napagtagumpayan Damhin mo’t sa’yo’y aking ituturan Oktubre, Disyembre’t Enerong handog ay kagalakan Distansiya ma’y namagitan sa’ting dal’wa Gabundok na balakid, hamon, suliranin, ni temtasyo’y ‘di makagigiba Pagkat kapuwa puso nati’y binigkis ng Diyos Ama Gamit ang kapangyarihan ng pananampalataya Tunay ngang palaso ni kupido’y may angking lasong nakahahalina Pagkat sa bawat pananahong dadalaw ka sa’king gunita Puso animo’y payaso nagtatampisaw’t nagpakalunod sa kalautan ng ligaya Ligayang ikaw lang aking irog ang nakapagpadarama Sadyang napakalalim man ng mga imahe, simbolismo’t tayutay Pero ‘di nito kayang higitan ang pag-ibig na sa’yo’y inia...
Read more

"Saan Ka Man Pumaroon, Ako Sinta'y Naroroon"

 "Ugat ng punong kahoy na malabay ang taos-pusong pagmamahal, kapagka habang tumatagal, ito'y patibay nang patibay. Daanan man ng malupit na hagupit ng bagyo't ula'y mananatili itong nakatayo nang lipos ng katatagan-ngayon, bukas, at magpahanggang sa libingan man!" "Saan Ka Man Pumaroon, Ako Sinta'y Naroroon!"        _Teofilo S. Valicuatro Jr.  I. Kung sa durungawan ng bahay niyo sa tuwi-tuwina'y may dumarapong paruparo lumilipad nang labas-masok, tangan-tanga'y pagsuyo 'pag napapawi nito ang lumbay sa'yong puso....  Giliw, iya'y AKO!  II. Kung sa'yong paglalakad tungong paaralan ika'y may nadaraanang ibong sari-kulay na ang isinadidila'y maririkit na "Kundimang" salamin ng pag-iibig, nating pulot-pukyutan.. Iya'y AKO, Hirang!  III. Kung ika'y dumarako sa mga liwaliwang pook nang ang pagod ay mapawi't sa ligaya'y mapupuspos at may 'sang bulaklak na ang anyo'y kalugud-lugod na 'pag ...
Read more

"Hayaan Mong Mahalin Kita sa Paraang Alam KO" (H.M.M.K.S.P.A.K)

“H.M.M.K.S.P.A.K” ni: Olifoet S. Ortaucilav Jr. Araw’y lumilipas Kasikata’y kumukupas Puno’t dahon ng kapighatia’y nalalagas Pero ang bukod-tanging binhi ng pagsintang wagas Kailan ma’y ‘di kumukupas at lalong ‘di nagwawakas Puso ko’y pumipintuho na naman Sa isang maalagima’t na dilag na hapo’t hapis ng kaalindugan Janice Cadao Pagulong Amoncio ang buo niyang pangngalan Pinagkaloob sa kaniya ng butihin, mapagmahal       at mapag-aruga niyang mga magulang Nang nasilayan kita Facebook account malimit na ini-stalk sa tuwi-tuwina Di naagapa’t lumala Nagbunga ng mahiwagang kataga Yumabong at mas naging dakila sa tawag na “PAGSINTA” Bituin ma’y susungkitin Asin’y patatamisin Di maliparang-uwak na papawirin Ay pilit kong lilipari’t hahagilapin Makamit lang pag-ibig mong kay kislap at kay ningning H.…….M…..….M……..K……..S….....P……..A……...K……. Binubuo ng walong letra Subalit nabibihisan ng mala-gintong kataga’t taktika ...
Read more