"Wala Man Akoy Bahanding Ikagasa Kanimo Sa Pagasaulugong Pasko, Apan Igo Na Siguro Ang Panggao'g Atemanon Ka Kutobs' Akong Mahimo"

 "Dili kinaban-kabang bahandi ang sukdanans' gitinguhang matuod nga kalipay, kungdili ang esensiya'g presensiyas' tiunay nga pag-ampo, panaghiusa, pagsinabtanay'g paghinigugmaay!"

"Wala Man Akoy Bahanding Ikagasa Kanimo Sa Pagasaulugong Pasko, Apan Igo Na Siguro Ang Panggao'g Atemanon Ka Kutobs' Akong Mahimo"

                         -Beyb_Teofy 😊

I. Saulugon ta ang paskong punos' kalipay'g pagkamadasigon. 

Inubanans' pagsaulog sa laing buwans' gitukod ug giampingan tang relasyon!

Ang panumduman mo'g dughan, habulan pa untas' kadasig ug pagkamalipayon. 

Mga kamot ikaway-kaway, hawak ikiay-kiay'g isapanumduma'g dughan ang usa ka bilinho'g talagsaong higayon! 

II. Ang distansiyang maoy namugnang pader kanatong duha.

Esensiya'g presensiyas' pasko ang mipatunga, arun kita mahiusa! 

Literal mang dili magkahimamat ang kainits' duha ta ka gugma. 

Apan dili kini babag sa pagsaulogs' gitinguhang kalipay nga walay sama! 

III. Kay ang pulong nga distansiya, maoy rason nganong samtang nagkadugay, kita usab nagkalig-on. 

Sukdanan usab kinis' pagsalig nga sa tanang pagmahal, maoy usa ka lig-o'g konkretong pundasyon! 

Pundasyong isip usa ka haligi sa gipanumpaang gugma, arun mapabiling lig-on ang usa ka relasyon! 

Nga taliwalas' tanang hagit ug pagsuway ni sa tanang pagabiay-biay, magpabilin kining magmalig-on. 

IV. Maong isipon ta kining usa ka positibong panglantaw sa'tong kinabuhi. 

Arun sa pagpatigbabaws' katim-usans' gisawhan tang pagbati! 

Aduna may nagkadaiyang suliran nga sa'tong kinabuhi musuway'g muagi. 

Atubangon ta kining punos' kaisog ug bisan kanus-a, dili kita magadumili! 

V. Isip duha nga nga nagkahiusa'g duha ka nagkalahi-lahi apan nagkapareha.

Lahi-lahi'g gusto'g panlantaw sa kinabuhi, apan sa ngalans' pagmahal nagkasinabot ug nagkahiusa! 

Ang maong matang sa relasyo'g panag-uban, dili mayano-yano'g kagusbat ug kalukapa! 

Bisan pas' higanteng bawod nga suliran, ang niini mutamparos ug musuways' pagbangga!

VI. Kay lagi adlaws' pasko, ang balaanong adlawng'natawhan sa'tong Ginoo. 

Tuguti ako sa pagpamulong diha kanimo, "Usa ka mahimayaon, malipayo'g mabungahong Pasko pinangga ko!"

Usa ka balaanong pagsaulog nga inubans' ikabente saes nga gugmang nakakulits' dughan nato! 

Ang pagkamaampingon, kanunay ihisuwat sa huna'g dughan mo! 

Hinaot nga ang tanang kalipay'g kamaya, maana'g mupatigbabaw kanunay diha kanimo. 

VII. Isip usa ka binuhat nga nahimong kapikas nianang dughan mo. 

Wala man akoy bahanding ikagasa kanimo sa pagasaulugong pasko. 

Apan igo na siguro ang panggao'g atemanon ka, kutobs' akong mahimo! 

Nasayod kitang parehong dili bahandi ang sukdanans' pagbatons' kalipayng' atong ginadamgo-damgo! 

VIII. Usa ka Mahimayaon, Mabungahon, Malipayo'g Masanagong AGTANG este Pasko!

Ayaw kalimot pag-ampos' tanang pagalakwa'g pagabuhaton mo! 

Ang pagkaon kanunayng' isahuna-huna'g isadughan, matagsegundo'g minuto. 

Kay ang kabaskog sa panlawas ang susi sa tanang kalipay'g damgong gipangandoy'g gitinguha mo! 

Teman-e:

 "Kanunayng' isuot ang matam-is mong pahiyum, 

Kay repleksiyon kinis' kaanyag mo'g talagsaong katahom!"

#Happy_26th_Monthsary

#God_is_Love ❤