Adlawng Natawhan (Araw ng Kapanganakan)

 “Adlawng Natawhan”

ni: Olifoet S. Ortaucilav Jr

Ang adlaw nga imong  natawhan

Nahisama sa usa ka bulawanong butang

Nga dili kahitupngan ug bisan unsa o ni bisan kinsa man

Ibabaw niining mapanghagitong kalibutan

Isip usa sa imong kontra

Isip usa sa suod mong kaila

Isip usa sa pinakasuod mong higala

Isip usa sa imong nahimong hinigugma

Ako nagalaum nga unta tanang posibleng muabot nga swerte’g kaayo

Itugyan unta kanimo sa mapuanguron ug labihan ka gamhanan tang Ginoo

Isip usa ka bahanding gisalig ug igtutugyan diha kanimo

Nga kinahanglang pagaamumahon ug pagaampingan mo’g maayo

Wala man ko karun sa imong kiliran

Saksi ang mga kabituunan kung unsa teka ka mahal

Matag karun ug unya kanunay kong ginapanalipdan

Ang hilabihan kaimportante ug kabilinhon tang panumpaan

Sayod kong sa imo dako ko’g pagkuwang

Ilabi na kung oras ug panahon ang atong pagahisgutan

Maong paminawa ang singgit ning akong dughan

“Beyb Janice, tugyani ‘ko sa ginahandom kong kapasayluan”

Hinaot magmalipayon ka uban sa pinalangga mong pamilya

Adlawng natawhan mo, sa’ko grabe ang bili ug importansiya

Tungod niining adlawa espesyal, halangdon, ug halandumon sa akong hinigugma

Ang binuhat nga maoy tanan alang sa akoa

Niining higayuna bente-tres anyos naka

Kung atong  kalkulahon guwang-guwang najud ka

Maong be matured enough na

Para dili naka maaang pwuhay sa mga suod mong higala

Dere nalang kutob ang akong sulat-tampo,

Apan dili ang paghigugma ko kanimo

Ikaw ug ako gipatung-an man sa mga pagsuway ug kalagyo

Makasigurado kang magpabiling tim-os ang akong pagbati diha nimo

  

# GOD IS LOVE