"First Monthsary"


"First Monthsary"
ni: Olifoet S. Ortaucilav Jr.


Segundo, minuto, oras, linggo’t buwa’y naglipana’t naging raliyesta
Hangi’y ginawang mensahero’t ang balitang dala’y “pahabain daw yaring pagsinta”
Masisi ko ba sila kung yaon ang ninanais nila?
Ang paglingkura’t mahalin ka nang sobra

Mga tala’y nagsiawitan
Mga hayop ay nagsasayawan
Hangin ang nagpapalakpakan
Nagpatutugtog ng tamborin si inang kalikasan

Mga bagay na di ko lubos mawari
Bakit sa kasagsagan ng aming mantsari
Mga Tala, hayop, hangi’t inang kalikasa’y
Taos-pusong nakibabahagi?

Sinusulsi yaring gula-gulanit na katanungan
Hanggang sa mapagtagpi-tagpi ang isang kongkreto’t tiyak  na  kasagutan
“Sila’y nakiisan-dibdib sa aming pag-iibigan”
Na kahit ang mapanuksong kapalara’y isatatanikala kung kinakailangan

Sinong aayaw sa hapag-kainang-pag-ibig na inihahain
Na naliligiran ng madlang ang bukod-tanging hiling,
“Mahalin mo ‘ko nang mataginting, at
Susuklian nang pagsintang sintimyas at singkinang ng mga bituin

Kung ating pakahimayin, ang dalawang taong nag-iibigan
Kawangis’y pumalalaot sa pusod ng karagatan
Sa magkabilang panig, pating ang masisilayan
Pating, na ang sinisimbolo’y destruksyo’t malalanding nilalang sa lipunan

Pero di dapat ikabahala’t ikabalisa
Sapagkat pag-ibig anaki’y sulatin ang kapara
S at M ang bumubuong letra
Kung mayroong Simula, Wakas ang magiging kasagupa

Subalit iya’y nasa paninindigan ng dalalawang taong nag-iibigan
Ito’y magsisilbing sukatan ng mala-bakal na prinsipyong kapuwa nila ipinaglaban,  ipinaglalaba’t ipaglalaban
“Sapagkat dagat ma’t hatiin ang agos ng tubig, sa ngalan ng pag-ibig ay maging kapanga-panganib
Puso ang masasakta’t masusugatan, kaluluwa ang mananaliksik ng mabangis na paghihimagsik.

Relasyo’y lubusang tibay
Sa likod ng samu’t saring hamo’t suliraning dito’y nakaakbay
Pagsangguni sa kawikang “Hiwalayan ang namumukod-tanging paraan”
Ang kikitil ng bisa sa nililok at ipinintang panumpaan

Desisyo’y iangkla sa kung ano mabuti’t tama hindi sa kung anong mali ang hinahabi
Matuto kang makinig
Sa hinaing ng magkabilang panig
PRIDE ay iwasan angkop lang ‘yang gamitin sa labahan
Kung sa tingin mo animo’y labahan yaring kasintahan
Esensya’t presensya ng PRIDE ay roon mo pa kailangan.
  
#to God be the Glory
#God is good all the time
#God is Love












Comments

Post a Comment

Popular posts from this blog

TULA PARA SA'YO AKING SINTA

“Tula Para Sa’yo Aking Sinta” ni: Olifoet S. Ortaucilav Jr. Mahalimuyak na ngiti ng araw Bukod-tanging tinutura’y ikaw Sa naidlip na pagsinta’y   uhaw na uhaw Pagsintang walang halo’t tanging sa’ iyo’y   nakahalaw Tatlong masukal na kabundukan Sama-sama nating   tinahak, tinibag at napagtagumpayan Damhin mo’t sa’yo’y aking ituturan Oktubre, Disyembre’t Enerong handog ay kagalakan Distansiya ma’y namagitan sa’ting dal’wa Gabundok na balakid, hamon, suliranin, ni temtasyo’y ‘di makagigiba Pagkat kapuwa puso nati’y binigkis ng Diyos Ama Gamit ang kapangyarihan ng pananampalataya Tunay ngang palaso ni kupido’y may angking lasong nakahahalina Pagkat sa bawat pananahong dadalaw ka sa’king gunita Puso animo’y payaso nagtatampisaw’t nagpakalunod sa kalautan ng ligaya Ligayang ikaw lang aking irog ang nakapagpadarama Sadyang napakalalim man ng mga imahe, simbolismo’t tayutay Pero ‘di nito kayang higitan ang pag-ibig na sa’yo’y inia...
Read more

"Saan Ka Man Pumaroon, Ako Sinta'y Naroroon"

 "Ugat ng punong kahoy na malabay ang taos-pusong pagmamahal, kapagka habang tumatagal, ito'y patibay nang patibay. Daanan man ng malupit na hagupit ng bagyo't ula'y mananatili itong nakatayo nang lipos ng katatagan-ngayon, bukas, at magpahanggang sa libingan man!" "Saan Ka Man Pumaroon, Ako Sinta'y Naroroon!"        _Teofilo S. Valicuatro Jr.  I. Kung sa durungawan ng bahay niyo sa tuwi-tuwina'y may dumarapong paruparo lumilipad nang labas-masok, tangan-tanga'y pagsuyo 'pag napapawi nito ang lumbay sa'yong puso....  Giliw, iya'y AKO!  II. Kung sa'yong paglalakad tungong paaralan ika'y may nadaraanang ibong sari-kulay na ang isinadidila'y maririkit na "Kundimang" salamin ng pag-iibig, nating pulot-pukyutan.. Iya'y AKO, Hirang!  III. Kung ika'y dumarako sa mga liwaliwang pook nang ang pagod ay mapawi't sa ligaya'y mapupuspos at may 'sang bulaklak na ang anyo'y kalugud-lugod na 'pag ...
Read more

"Hayaan Mong Mahalin Kita sa Paraang Alam KO" (H.M.M.K.S.P.A.K)

“H.M.M.K.S.P.A.K” ni: Olifoet S. Ortaucilav Jr. Araw’y lumilipas Kasikata’y kumukupas Puno’t dahon ng kapighatia’y nalalagas Pero ang bukod-tanging binhi ng pagsintang wagas Kailan ma’y ‘di kumukupas at lalong ‘di nagwawakas Puso ko’y pumipintuho na naman Sa isang maalagima’t na dilag na hapo’t hapis ng kaalindugan Janice Cadao Pagulong Amoncio ang buo niyang pangngalan Pinagkaloob sa kaniya ng butihin, mapagmahal       at mapag-aruga niyang mga magulang Nang nasilayan kita Facebook account malimit na ini-stalk sa tuwi-tuwina Di naagapa’t lumala Nagbunga ng mahiwagang kataga Yumabong at mas naging dakila sa tawag na “PAGSINTA” Bituin ma’y susungkitin Asin’y patatamisin Di maliparang-uwak na papawirin Ay pilit kong lilipari’t hahagilapin Makamit lang pag-ibig mong kay kislap at kay ningning H.…….M…..….M……..K……..S….....P……..A……...K……. Binubuo ng walong letra Subalit nabibihisan ng mala-gintong kataga’t taktika ...
Read more