MAHAL KITA


 “Mahal Kita”
ni: Olifoet S. Ortaucilav Jr.

Dal’wang katagang hinubog ng siyam na letra
Naimbento nitong puso mula nang nasilayan ka
Kung iyong pakahimayi’y nalulukuban ng hiwaga
Sa buong buhay mo’y minsan lang madarama

Palasak na linyang napakadaling sambitin
Ginawang libangan ng mga mapaglubid-buhangin
Sobrang-hirap naman kung patutunaya’t gagawin
Sa panig na may hitik ng senseridad at malinis na hangari’t adhikain

Mga mahalimuyak na katagang singkinang ng mga bituin
Mga ngiti’t tinging makalaglag-matsing
Mga tawang animo’y mala-payasong kampupot sa hardin
Kaloob ay ligayang halaw sa papawiring ‘di maabot-tingin

‘Di maipaliwanag namumuong nadarama
Kapagka bugso ng damdami’y pinamayanihan ng kaba
Mala-tanikalang katagang sa puso’y ibinuga-buga
“Mahal Kita, Mahal… na… Mahal… Na… Mahal… Kita!”

Pagmamahal na sa’yo lang nakita
Pagmamahal na sa’yo lang nadarama
Pagmamahal na gustong-gusto kong ipagkait mo sa iba
At higit sa lahat, pagmamahal na sana, sa’kin mo lang ipagkakaloob sinta,
Na… Sana… Sa’kin… Mo… Lang… Ipagkaloloob… Sinta!

Kaysarap bakasing muli mga gintong-araw na nagdaan
Na sa puso’t diwa’y nakaukit angkin mong kaalindugan
Minu-minuto’t segu-segundo’y hanap-hanap ay ikaw
Kaakuha’y lumiliyab sa ligaya, ‘pag ika’y natatanaw

Mga matang nakapiring at sapilitang idinidilat
Sa hangaring masaksihan kaalindugan mong ubod ng ilap
Bawat tingi’t titig na sa’ki’y itinatapat
Animo’y mabalasik na ngipin ng kidlat

Mundo ma’y gunawi’t pagbabaliktarin
Ang katagang MAHAL KITA samsambitin ko magpahanggang-libing
Yamang sa’king puso’y pilit kang sumasailalim
Pagsinta’y iaalay, gintong kanapanuna’y aking titipirin

M… W… S… N
M-ahal Kita
W-alang iba
S-a puso ko sinta
Namumukod-tangi’t wala kang kapara

WAKAS

# GOD IS LOVE


Comments

  1. GeroAugust 10, 2021 at 6:17 AM

    Napakagaling niyong makata sir. Ipagpatuloy niyo lang yan. ��

    ReplyDelete

Post a Comment

Popular posts from this blog

TULA PARA SA'YO AKING SINTA

“Tula Para Sa’yo Aking Sinta” ni: Olifoet S. Ortaucilav Jr. Mahalimuyak na ngiti ng araw Bukod-tanging tinutura’y ikaw Sa naidlip na pagsinta’y   uhaw na uhaw Pagsintang walang halo’t tanging sa’ iyo’y   nakahalaw Tatlong masukal na kabundukan Sama-sama nating   tinahak, tinibag at napagtagumpayan Damhin mo’t sa’yo’y aking ituturan Oktubre, Disyembre’t Enerong handog ay kagalakan Distansiya ma’y namagitan sa’ting dal’wa Gabundok na balakid, hamon, suliranin, ni temtasyo’y ‘di makagigiba Pagkat kapuwa puso nati’y binigkis ng Diyos Ama Gamit ang kapangyarihan ng pananampalataya Tunay ngang palaso ni kupido’y may angking lasong nakahahalina Pagkat sa bawat pananahong dadalaw ka sa’king gunita Puso animo’y payaso nagtatampisaw’t nagpakalunod sa kalautan ng ligaya Ligayang ikaw lang aking irog ang nakapagpadarama Sadyang napakalalim man ng mga imahe, simbolismo’t tayutay Pero ‘di nito kayang higitan ang pag-ibig na sa’yo’y inia...
Read more

"Saan Ka Man Pumaroon, Ako Sinta'y Naroroon"

 "Ugat ng punong kahoy na malabay ang taos-pusong pagmamahal, kapagka habang tumatagal, ito'y patibay nang patibay. Daanan man ng malupit na hagupit ng bagyo't ula'y mananatili itong nakatayo nang lipos ng katatagan-ngayon, bukas, at magpahanggang sa libingan man!" "Saan Ka Man Pumaroon, Ako Sinta'y Naroroon!"        _Teofilo S. Valicuatro Jr.  I. Kung sa durungawan ng bahay niyo sa tuwi-tuwina'y may dumarapong paruparo lumilipad nang labas-masok, tangan-tanga'y pagsuyo 'pag napapawi nito ang lumbay sa'yong puso....  Giliw, iya'y AKO!  II. Kung sa'yong paglalakad tungong paaralan ika'y may nadaraanang ibong sari-kulay na ang isinadidila'y maririkit na "Kundimang" salamin ng pag-iibig, nating pulot-pukyutan.. Iya'y AKO, Hirang!  III. Kung ika'y dumarako sa mga liwaliwang pook nang ang pagod ay mapawi't sa ligaya'y mapupuspos at may 'sang bulaklak na ang anyo'y kalugud-lugod na 'pag ...
Read more

"Hayaan Mong Mahalin Kita sa Paraang Alam KO" (H.M.M.K.S.P.A.K)

“H.M.M.K.S.P.A.K” ni: Olifoet S. Ortaucilav Jr. Araw’y lumilipas Kasikata’y kumukupas Puno’t dahon ng kapighatia’y nalalagas Pero ang bukod-tanging binhi ng pagsintang wagas Kailan ma’y ‘di kumukupas at lalong ‘di nagwawakas Puso ko’y pumipintuho na naman Sa isang maalagima’t na dilag na hapo’t hapis ng kaalindugan Janice Cadao Pagulong Amoncio ang buo niyang pangngalan Pinagkaloob sa kaniya ng butihin, mapagmahal       at mapag-aruga niyang mga magulang Nang nasilayan kita Facebook account malimit na ini-stalk sa tuwi-tuwina Di naagapa’t lumala Nagbunga ng mahiwagang kataga Yumabong at mas naging dakila sa tawag na “PAGSINTA” Bituin ma’y susungkitin Asin’y patatamisin Di maliparang-uwak na papawirin Ay pilit kong lilipari’t hahagilapin Makamit lang pag-ibig mong kay kislap at kay ningning H.…….M…..….M……..K……..S….....P……..A……...K……. Binubuo ng walong letra Subalit nabibihisan ng mala-gintong kataga’t taktika ...
Read more