DU30: TUNAY NA PAGBABAGO

“Duterte: Tunay na Pagbabago”
ni: Olifoet S. Ortaucilav Jr.

Humigit-kumulang 3 dekada

Bayang sinisinta, puri’y ginupok at inalipusta

Nang malalapad- papel na oligarkiya’t elitista

Na ang sinasamba’y posisyon, kapangyariha’t pera

Kapangyarihan nila’y bituin sa gabing madilim ang kapara

Kahit teknolohiya’t mga hatirang pangmadla

Kanilang binayaran, binabayaran, namamanipula’t minamanipula

Sa layuning maikubli marurumi’t mababahong pinagagawa nila

‘Di maliparang-uwak impluwensiyang hatid nila

Kaya’t sila mismo animo’y pulutong na di marapuang-langaw sa mata ng balana

Pansariling interes, napalalago nang sobra

Hinaing ng sangkatauha’y sa tubig inilista’t isinantabing kawangis’y basura

Mga haliging-panlipunang taong bayan dapat ang paglilingkuran

Ano baga’t sila ngayong nagpakasasarap at pinaglilingkuran!

Ang panatang mamamaya’y taos pusong paglilingkuran, ‘pag sila sa puwesto’y inihalal

Panatang pinamimitawa’y sadyang inukit upang sirain, dustahi’t  sa tubig’y isatitik lamang

Mga gahamang mayayama’y mas lalong yumayaman

Mga maralita’y nag-iibayo’t nag-iigting angking kahirapa’t kahikahusan

Sa kasagsagan ng mapanlilong kapanahuna’t kapalaran

Mahihinuhang ika’y naihahanay sa pipitsuging langgam na nakatingala sa kaalaapang di-maabot-tanaw

Subalit pagkatatao’y dumating nang hindi inaasahan

Ihip ng hangin, nagbago’t dala’y pag-asa’t kasaganaan

Kaalinsabay nito’y paglitaw ng ‘sang bayaning mula’t tubong Mindanao

Tagatuwid ng kabaluktuta’t tagatama ng kamalian

Bantog sa palayaw na agila ng Davao

Kapagka angkin niya’y kamaong malabakal

Mandaragit ng mapanghasik-lagim na kampon ng lipunan

Walang sinasanto ni kinaaawaan basta’t napatutunayang nilapastanga’y yaring batas-panlipunan

Taguri sa  kaniya’y dakilang ama ng bayan

Kapagka sa kaniya binuhos buong tiwala ng mga tala sa kaalapaapan

Nagniningning malasakit niya’t  paninindigan

Na kapuwa iniuukol sa ‘di-mahulugang karayom na lupon ng sangkatauhan  

Korupsyon, kahirapan, droga’t kriminalidad kaniyang wawakasan

Pangarap at pangako niyang ipinunla sa puso’t diwa ng sambayanan

Upang maibalik puri’t dangal nitong inang bayang matagal ng pinagsamantalahan

Katapangang-angkin ‘di basta-basta natutumbasan ni malalamangan

Bawat busog ng malapalasong katagang kaniyang binibitawan

Nakaangkla’y hinaing ng ‘di-mahulugang-karayom na lipon ng sambayanan

Kaya’t buksan yaring puso’t isipan pananahanin angkin niyang malasakit, kabayaniha’t tapang

Bukod-tanging inihandog sa mamamayang inalayan, inaalaya’t aalayan ng kaniyang buhay

Kamalia’y naisatatama, naitutuwid yaring kabaluktutan

Kapagka hangad niya’y bagong-bihis na lipunan

Lipunang malayo sa mandarambong, mapanlilo, mapanghusga’t mapang-aping nilalang

Na namumukod-tanging ehemplo ng pagbagsak ni ng masaklap na kasawian

Pagtagpi-tagpiin samut-saring kaganapan ng madugong kasaysayan

Bakasing muli, pagdurusang dinanas sa kuko ng malupit na dayuhan

Yao’y sinuri’t hinimay ng amang tunay na malasakit siyang iniaalay

Sa lipunang hinihiyaw’y katarungan, kadalisayan, kasaganaa’t kaginhawaan

Sa lupit at bagsik niyang taglay, sinasagasaan oposisyong sa daraana’y nakaharang

Oposisyong hangad ay patalsikin siya sa kapangyariha’t gunawin pagbabago niyang sinimulan

Animo’y kulisap, unti-unting lumalagapak sa init ng lamparang-ilawan

Udyok ng nag-uumapoy  na martilyo’t bakal niyang kamay

Sa tunay malasakit namumukod-tangi ka mahal na pangulo

Sa angking mong katapangan napalalambot lahat ng gahama’t tigasin ang ulo

Pag-asa ka ng mga mamamayang Pilipino

Sa mga kamay mo nakasandal at nakasalalay minimithi’t inaadhika naming pagbabago

#GOD BLESS MR. PRESIDENT

#GOD BLESS THE PILIPINO PEOPLE

#GOD BLESS THE PHILIPPINES

#GOD IS LOVE